සංචාරක එංගලන්ත කණ්ඩායමත් ශ්‍රී ලංකා කණ්ඩායමත් අතර තරග තුනකින් සමන්විත එක්දින තරගාවලියේ ාවසන් තරගය අද කොළඹ ආර්. ප්‍රේමදාස පිටියේදී පැවැත්වීමට නියමිතයි. තරගාවලිය කණ්ඩායම් දෙකම තරග 1-1ක් ලෙස ජයගෙන තිබෙන නිසා අද තරගය් කණ්ඩායම් දෙකටම තීරණාත්මකයි.
තරගාවලියේ පළමු තරගය ශ්‍රී ලංකා කණ්ඩායම ලකුණු 9කින් ජයගත් අතර දෙවන තරගය ජයගත්තේ එංගලන්ත කණ්ඩායමයි.
අද තරගයට ශ්‍රී ලංකා කණ්ඩායමෙ වෙනස්කම් දෙකක් බලාපොරොත්තු විය හැකිය. ඒ පවන් රත්නායක වෙනවට කමිදු මෙන්ඩිස් හා ප්‍රමෝද් මධුෂාන් වෙනුවට වනිඳු හසරංග කණ්ඩායමට ඇතුලත් කිරීමයි.
දෙවන තරගය අවසානයේ එංගලන්ත කණ්ඩායම මෙම තරගාවලිය සඳහා ශ්‍රී ලංකාව තෝරාගත් මන්දගාමි තණතීරු පිළිබඳව සිය නොසතුට ප්‍රකාශ කොට සිටියා. කෙසේ නමුත් ශ්‍රී ලංකා නායක චරිත් අසලංක ඒ චෝදනාව පිළිනොගනිමින් ප්‍රකාශ කළේ කන්ඩායම් දෙකම පසුගිය තරගයේදී ලකුණු 400 ඉක්මවා ලබාගත් බවයි.
තරගය ආරම්භවන්නේ ශ්‍රී ලංකා වේලාවෙන් පස්වරු 2.30ටයි.
