ශ්‍රී ලංකා – බංග්ලාදේශ දෙවැනි එක්දින තරගය කොළඹ ආර්. ප්‍රේමදාස ක්‍රීඩාංගනයේදී අද පැවැත්වෙනවා.
පළමු තරගය ජය ගැනීම හේතුවෙන්, ශ්‍රී ලංකාව එකට බින්දුවක් ලෙස පෙරමුණේ පසු වනවා.
තරගාවලියේ පළමු තරගය ලකුණු 77 කින් ජය ගැනීමට ශ්‍රී ලංකා කණ්ඩායම සමත් වුණා. එම තරගයේදී නායක චරිත් අසලංක තම පස්වැනි එක්දින ශතකය වාර්තා කළ අතර, වනිදු හසරංග එක්දින කඩුලු 100 කඩ ඉම පසු කළා.
මේ අතර, එම තරගයේදී ශ්‍රී ලංකා ක්‍රීඩකයින්ගේ පන්දු රැකීම ඉතා ඉහළ මට්ටමක තිබීම විශේෂත්වයක්.
අද තරගයට පෙර ක්‍රීඩකයන් කොළඹ ආර් ප්‍රේමදාස ක්‍රීඩාංගණයේදී ඊයේ දින පුහුණුවීම් සිදු කළා.
එම ක්‍රීඩාංගණයේදී තවමත් බංග්ලාදේශය ශ්‍රී ලංකාව සමග පැවති එක්දින තරගයක් ජය ගෙන නැහැ.
