2027 ලෝක කුසලාන රග්බි තරගාවලිය සඳහා සුදුසුකම් ලැබීමට ශ්රී ලංකාව තබා තිබු බලාපොරොත්තු අද ගිලිහී ගියා. ඒ, ආසියානු ශුරතා රග්බි තරගාවලියේ පළමු කාණ්ඩය යටතේ එක්සත් අරාබි එමීර් රාජ්යය සමග පැවති තරගය පරාජය වීමත් සමගයි. තරගය පැවැත්වුණේ, කොළඹ තුරග තරග පිටියේදී.
පළමු අර්ධය නිමා වන විට ලකුණු 22ට 16 ක් ලෙස එක්සත් අරාබි එමීර් රාජ්යය පෙරමුණ ගෙන සිටියා. නියමිත කාලය අවසන් වුණේ, ලකුණු 29 ට 21 ක් ලෙස එක්සත් අරාබි එමීර් රාජ්යට ජය හිමි කර දෙමින්.
ජයග්රාහී කණ්ඩායම ගෝල දිනුම් 3 ක් උත්සහක දිනුමක් සහ දඬුවම් පහරකින් ලකුණු රැස් කළා. ශ්රී ලංකාව ලකුණු රැස් කළේ, ගෝල දිනුමක්, උත්සක දිනුමක් සහ දඬුවම් පහර 3 කින්.
ශ්රී ලංකාව වෙනුවෙන් මොහොමඩ් රිෆාන් සහ ශමිල කුෂාන් උත්සාහක දිනුම් ලබා ගත්තා. තරින්ද රත්වත්තේ, දඩුවම් පහර 3 ක් සහ ප්රවර්ථනයක් සාර්ථක කර ගැනීමට සමත් වුණා.
මෙම තරගාවලියේ ලකුණු සටහනට අනුව, මේ වන විට හොංකොං කණ්ඩායම පෙරමුණේ පසු වන අතර, දෙවැනි ස්ථානය එක්සත් අරාබි එමීර් රාජ්යයට හිමියි. දකුණු කොරියාව තුන් වැනි ස්ථානයේ පසු වනවා. ශ්රී ලංකාව තරගාවලිය අවසන් කළේ සිව්වැන්නා ලෙසයි.
