ශ්‍රී ලංකා කාන්තා ක්‍රිකට් කණ්ඩායමත් බංග්ලාදේශ කාන්තා කණ්ඩායමත් අතර දෙවන එක්දින තරගය ඊයේ රාජ්ෂාහි හීදී පැවැත්වුණා. එම තරගය කඩුලු 4කින් ජයගැනීමට ශ්‍රී ලංකා කණ්ඩායම සමත් වුණා.
පළමුවෙන් පන්දුවට පහරදුන් බංග්ලාදේශ කාන්තා කණ්ඩායමේ සියලු කඩුලු ලකුණු 165ට දවාගැනීමට ශ්‍රී ලංකා පන්දු යවන ක්‍රීඩිකාවන් සමත් වුණා. ඒ අනුව එම පහසු ඉලක්කය ශ්‍රී ලංකා පිතිකරුවන් 39 වන පන්දුවාරයේදී ලබාගැනීමට සමත් වුණු අතර ශ්‍රී ලංකා කණ්ඩායමට කඩුලු 6ක් අහිමි වුණා.
බංග්ලාදේශය වෙනුවෙන් නායක් නිගර් සුල්තානා ලකුණු 58ක් ලබාගත්තා.
පන්දු යැවීමේදී ශ්‍රී ලංකා කණ්ඩායමේ නායිකා චමරි අතපත්තු කඩුලු 3ක් දවාගත් අතර මල්කි මදාරා, නිමාෂා මීපගේ හා ඉනෝකා රණවීර කඩුලු 2 බැගින් දවාගත්තා.
පිලිතුරු ඉනිමේදී හර්ෂිතා සමරවික්‍රම ලකුණු 50ක් ලබාගත් අතර චමරි අතපත්තු හා හන්සිමා කරුණාරත්න ලකුණු 40 බැගින් ලබාගත්තා.
බංග්ලාදේශය වෙනුවෙන් විශිෂ්ට පන්දු යැවීමක නිරත වෙමින් නහීදා අක්තර් ලකුණු 21ට කඩුලු 4ක් දවාගත්තා.
මේ ජයග්‍රහණයත් සමග තරග තුනකින් සමන්විත මෙම එක්දින තරගාවලිය තරග 1-1 ක් ලෙස සමකිරීමට ශ්‍රී ලංකා කණ්ඩායම සමත් වූ අතර මීළඟ තරගය මගින් තරගාවලියේ ජයග්‍රාහකයා තීරණය වීමට නියමිතයි.
