ශ්‍රී ලංකා විස්සයි විස්ස කණ්ඩායමේ නායක දසුන් ශානක හට ලබන වසරේ PSL තරගාවලිය සඳහා සහභාගීවීමට නොහැකි වන පරිදි වසරක තහනමක් පැනවීමට පාකිස්තාන් ක්‍රිකට් ආයතනය විසින් තීරණය කොට තිබෙනවා. ඒ මේ වසරේ ඔහු විසින් ලාහෝර් ක්වැලන්ඩර්ස් කණ්ඩායම සමග ඇතිකරගත් ගිවිසුම කඩ කළ නිසාය.
දසුන් ශානකව PSL ක්‍රීඩක වෙන්දේසියේදී ඇමරිකන් ඩොලර් 27,000ක මුදලකට ලාහෝර් ක්වැලැන්ඩර්ස් කණ්ඩායම මිලදී ගෙන ඇති අතර තරගාවලිය ආරම්භවීමට පෙර රාජස්ථාන් රෝයල්ස් කණ්ඩායමේ සෑම් කරන්ගේ අඩුව පිරවීම සඳහා IPL තරගාවලිය සමග එක්විය.
එසේම, මෙම ගිවිසුම කඩකිරීම සම්බන්ධව දසුන් ශානක සිය කණගාටුව ප්‍රකාශ කරමින් පාකිස්ථාන් ක්‍රිකට් ලෝලීන්ගෙන් හා පාකිස්තාන් ක්‍රිකට් ආයතනයෙන් සමාව ඉල්ලා ඇත.
දසුන්ට අමතරව, මෙවැනි ආකාරයට ගිවිසුම් උල්ලංඝනය කරමින් IPL සමග එක් වූ සිම්බාබ්වේ ක්‍රීඩක බ්ලෙසිං මුසරබානිට හා දකුණු අප්‍රිකාවේ කොබින් බොස්ච් හට මෙවැනි තහනමක් ලබා දී ඇත.
