හෙට ආරම්භවීමට නියමිත ශ්‍රී ලංකා, පාකිස්තාන්, සිම්බාබ්වේ තුන්කොන් විස්සයි 20 තරගාවලියෙන් ශ්‍රී ලංකා නායක චරිත් අසලංක හා වේග පන්දු යවන ක්‍රීඩක අසිත ප්‍රනාන්දු ඇති වී ඇති අසනීප තත්වයක් නිසා සංචාරයෙන් ඉවත්කොට නැවත ශ්‍රී ලංකාවට එවීමට නියමිතව ඇත.
එම ක්‍රීඩකයන් දෙදෙනාට ඇතිවූ අසනීප තත්වය නිසා පාකිස්තානය සමග පැවති තුන්වන එක්දින තරගයටද සහභාගී වූයේ නැහැ. එළඹෙන තරග සඳහා ඔවුන් නැවත යථාතත්වයට ගැනීම සඳහා මෙලෙස ශ්‍රී ලංකාවට එවීමට තීරණය කළ බව ශ්‍රී ලංකා ක්‍රිකට් ආයතනය මාධ්‍යය නිවේදනයක් මගින් දැනුම් දුන්නා.
අසලංකගෙන් හිස්වෙන නායකත්ව වගකීම සඳහා උපනායකයා වශයෙන් නම්කොට තිබූ හිටපු නායක දසුන් ශානක පත්කොට ඇත.
එසේම විස්සයි 20 සංචිතය සඳහා පවන් රත්නායක ඇතුලත් කිරීමට ද ශ්‍රී ලංකා තේරීම් කමිටුව තීරණය කොටඇත.
ශ්‍රී ලංකාව සහභාගී වන පළමු තරගය සිම්බාබ්වේ කණ්ඩායම සමග 20 වනදා පැවැත්වීමට නියමිතයි.
