වසර 23කට පසුව කොදෙව් දේශයේදී එක්දින ක්‍රිකට් තරගාවලියක් ජයගැනීමට ශ්‍රී ලංකා කණ්ඩායම සමත් වුණා.
ඒ බටහිර ඉන්දීය කොදෙව් කණ්ඩායම සමග පැවති එක්දින ක්‍රිකට් තරගාවලිය තරග 1ට 0ක් ලෙස ජය ගනිමින්.
වර්ෂාවෙන් බාධා එල්ල වීම හේතුවෙන් තරගාවලියේ තුන්වැනි තරගය අතහැර දැමුණා.
දෙවැනි තරගයද අත්හැර දැමුවේ වර්ෂාව හේතුවෙන්.
පළමු තරගය ලකුණු 41කින් ජයගත් ශ්‍රී ලංකා කණ්ඩායමට තරගාවලියේ ජය හිමි වුණේ ඒ අනුවයි.
දෙරට අතර පන්දුවාර 20/20 ක්‍රිකට් තරගාවලියේ පළමු තරගය ලබන 12වැනිදා කිංග්ස්ටන්හිදී පැවැත්වීමට නියමිතයි.
