ශ්‍රී ලංකා සහ පාකිස්තාන කාන්තා කණ්ඩායම් අතර පැවැත්වෙන තරග 3කින් සමන්විත 20-20 තරගාවලියේ දෙවන තරගය ද ජයගැනීමට ශ්‍රී ලංකා ක්‍රීඩිකාවන් අද සමත්වුණා.
තරගය පැවැත්වුණේ දඹුල්ල අන්තර්ජාතික ක්‍රිකට් ක්‍රීඩාංගනයේදී.
පළමුවෙන් පන්දුවට පහරදුන් පකිස්තාන කණ්ඩායම පන්දුවාර 20 ඇතුළත කඩුලු 05ක් දැවී ලකුණු 175ක් රැස් කළා. ශවාල් සුල්ෆිකර් ලකුණු 48යි.
නායිකා මුනීබා අලි ලකුණු 45ක් ලබාගත්තා. පන්දු යැවීමේදී චමුදි ප්‍රබෝධා කඩුලු 02 ක් බිඳ හෙලුවා.
අනතුරුව පිළිතුරු ඉනිම ආරම්භ කළ ශ්‍රී ලංකා කණ්ඩායම පන්දුවාර 17යි පන්දු 4කදී ලකුණු 178ක් රැස් කරමින් තරගයේ ජය හිමිකරගත්තා.
සංජනා කාවින්දි ලකුණු 46ක් රැස් කළ අතර, චමරි අතපත්තු ලකුණු 40යි.
