ඇෆ්ගනිස්ථාන කණ්ඩායම හා ඉන්දීය කණ්ඩායම අතර පැවති ටෙස්ට් තරගයෙන් ඉනිමක හා ලකුණු 300ක ජයක් ලැබීමට ඉන්දීය කණ්ඩායම අද සමත් වුණා. තරගය අවසන් වූයේ තවත් දින දෙකක් ඉතිරිව තිබියදී වීම විශේෂත්වයක්.
කාසියේ වාසිය දිනූ ඉන්දීය කණ්ඩායම මුලින්ම පන්දුවට පහරදීමට තීරණය කළ අතර ඔවුන් කඩුලු 8ට ලකුණු 564ක් ලබා සිටියදී ඉනිම අත්හිටවූවා.
ආරම්භක පිතිකරු කේ එල් රාහුල් ලකුණු 100ක් හා නායක ශුබ්මාන් ගිල් ලකුණු 126ක් ලබාගත් අතර රිෂාබ් පන්ට් ලකුණු 81ක් හා වොෂිංටන් සුන්දර් නොදැවී ලකුණු 52ක් ලබාගත්තා.
ඇෆ්ගනිස්ථානය වෙනුවෙන් මොහොමඩ් සලීම් කඩුලු 6ක් ලබාගත් අතර හෂ්මතුල්ලා ශහීඩි සමග සිවුර් රෙහ්මාන් එක් කඩුල්ල බැගින් දවාගත්තා.
ඇෆ්ගනිස්තාන කණ්ඩායමට සිය පළමු ඉනිමට රැස්කිරීමට හැකියාව ලැබුණේ ලකුණු 152ක් පමණයි. එම ඉනිමට රහ්මත් ෂා ලකුණු 60ක් ලබාගත්තා.
ඉන්දීය පළමු ඉනිමට වඩා තවත් ලකුණු 412ක් පසු පසින් සිටි ඇෆ්ගනිස්තාන් කණ්ඩායමට සිය දෙවනි ඉනිම සඳහා ද ඉන්දීය කණ්ඩායමෙන් ඇරයුම් ලැබුණා.
ඒ අනුව සිය දෙවනි ඉනිම ආරම්භ කළ ඇෆ්ගන් කණ්ඩායමේ සියලු කඩුලු ලකුණු 112ට දැවී ගිය අතර ඔවුන්ට ඉනිමක හා ලකුණු 300ක පරාජයක් අත්වුණා.
ඉන්දීය කණ්ඩායම වෙනුවෙන් නවක ක්රීඩක මානව් සුතාර් ලකුණු 22ට කඩුලු 6ක් දවාගත් අතර ප්රසිද් ක්රිෂ්ණා ලකුණු 37ට කඩුලු 3ක් දවාගත් අතර ඇෆ්ගන් දෙවනි ඉනිමේ කඩුලු 4ක් වොෂිංටන් සුන්දර් දවාගත් අතර කුල්දීප් යාදව් කඩුලු 3ක් හා මානව් සුතාර් එක් කඩුල්ලක් දවාගත්තා.
මෙම ජයග්රහණය ඉන්දීය කණ්ඩායම් ටෙස්ට් තරගයක ලැබූ හොදම ජයග්රහණය ලෙස සටහන් වූ අතර තරගයේ වීරයා ලෙස සිය පලමු ටෙස්ට් තරගය ක්රීඩා කළ මානව් සුතාර් හට හිමි වුණා.
