ලෝක කුසලාන පාපන්දු තරගාවලියේ සුපිරි කණ්ඩායම් 16 වටයට සුදුසුකම් ලැබීමට ඔස්ට්රේලියාව, ආජන්ටිනාව සහ කොලොම්බියාව සමත්වුනා. ඔස්ට්රේලියාව තරගය ජයගත්තේ ඊජිප්තු කණ්ඩායම පරාජය කරමින්. ඔස්ට්රේලියාව සහ ඊජිප්තුව අතර තරගය පැවැත්වුනේ අමෙරිකාවේ ඩලස් හිදී.
පළමු අර්ධයේ 13 වැනි මිනිත්තුවේදී ඊජිප්තුව වෙනුවෙන් එමාම් ඇෂෝර් ගෝලයක් වාර්තා කළා. ඒ අනුව එම අර්ධය අවසන් වුනේ ගෝල 1ට 0 ක් ලෙස ඊජිප්තුව පෙරමුණේ පසුවෙමින්. තරගයේ 55 වැනි මිනිත්තුවේදී ඔස්ට්රේලියාවද ගෝලයක් වාර්තා කළා. ඒ අනුව තරගයේ නියමිත කාලය අවසන් වුනේ ගෝල 1 ට 1 ක් ලෙස දෙපිලම සම තත්වයේ පසුවෙමින්. ඒ අනුව ජය පරාජය තීරනය කෙරුණේ දඩුවම් පහර මගින්. එහිදී දඩුවම් 4 ක් සාර්ථක කරගැනීමට ඊජිප්තුව සමත්වූ අතර ඔස්ට්රේලියාව සාර්ථක කරගත්තේ දඩුවම් පහර 2 ක් පමණයි. තරගය ජයගත් ඊජිප්තුව අවසන් 16 වටයට පිවිසියා.
ආජන්ටිනාව සහ කේප්වර්ඩි කණ්ඩායම් අතර තරගය අමෙරිකාවේ මියාමි හිදි පැවැත්වුණා. තරගයේ පළමු අර්ධය නිමාවුනේ ගෝල 1 ට 0 ක් ලෙස ආජන්ටිනාව පෙරමුණ ගනිමින්. එම ගෝලය වාර්තා කලේ ලියෝනල් මෙසී විසින්. දෙවැනි අර්ධයේදී කේප්වර්ඩි කණ්ඩායම ගෝල දෙකක් ලබාගත් අතර ආජන්ටිනාව එක් ගෝලයක් වාර්තා කළා. ඒ අනුව නියමිත කාලය අවසන් වුනේ 2 ට 2 ක් ලෙස සම තත්වයේ සිටියදි. අනතුරුව අතිරේක කාලයේදී ආජන්ටිනාව එක් ගෝලයක් ලබාගත්තා. ඒ අනුව ගෝල 3 ට 2 ක් ලෙස තරගය ජයගත් ආජන්ටිනාව සුපිරි 16 වටයට සුදුසුකම් ලැබුවා.
කොලොම්බියාව සහ ගානා අතර තරගය පැවැත්වුනේ අමෙරිකාවේදී. තරගයේ පළමු අර්ධයෙදි කොලොම්බියාව එක් ගෝලයක් වාර්තා කළා. ඒ අනුව එම අර්ධය අවසන් වුනේ ගෝල 1 ට 0 ක් ලෙස කොලොම්බියාව පෙරමුණ ගනිමින්. නියමිත කාලය අවසන් වන තෙක් ගානා කණ්ඩායම කිසිදු ගෝලයක් ලබාගත්තේ නැහැ. ඒ අනුව ගෝල් 1 ට 0 ක් ලෙස තරගය ජයගත් කොලොම්බියාව අවසන් කණ්ඩායම් 16 ට සුදුසුකම් ලැබුවා.
