ලෝක කුසලාන පාපන්දු තරගාවලියේ ක්‍රොඒෂියාව සමග පැවැති තරගයේ ජය වාර්තා කිරීමට එංගලන්තය සමත් වුණා.
L කාණ්ඩය යටතේ මෙම තරගය පැවැත්වුණේ අමෙරිකාවේ ඩලස්හිදී.
තරගයේ පළමු අර්ධයේදී දෙපිළම ගෝල 2 බැගින් වාර්තා කිරීමට සමත් වුණා.
දෙවැනි අර්ධයේදී එංගලන්ත කණ්ඩායම තවත් ගෝල 2 ක් වාර්තා කළා.
ඒ අනුව ගෝල 4 ට 2 ක් ලෙස ජය වාර්තා කලේ එංගලන්ත කණ්ඩායමයි.
එංගලන්ත කණ්ඩායම වෙනුවෙන් හැරී කේන් ගෝල 2 ක් වාර්තා කළ අතර, ජූඩ් බෙලිග්නම් සහ මාකස් රශ්ෆර්ඩ් ගෝලය බැගින් ලබා ගත්තා.
