ෆිෆා ලෝක කුසලාන පාපන්දු තරගාවලියේ තෙවැනි ස්ථානය සඳහා පැවති තරගයෙන් ප්රංශය පරදවා ගෝල 6-4 ක ජය වාර්තා කිරීමට එංගලන්තය සමත් වුණා.
මියාමි ක්රීඩාංගණයේදී පැවති මෙම තරගයේ 3 වැනි මිනිත්තුවේදී ඩෙක්ලන් රයිස් එංගලන්තය වෙනුවෙන් පළමු ගෝලය වාර්තා කළා.
අනතුරුව එංගලන්ත වෙනුවෙන් 18 වැනි මිනිත්තුවේදී එස්රි කොන්සා සහ 37 වැනි මිනිත්තුවේදී බුකායෝ සාකා ලබාගත් ගෝල ලබා ගත්තා.
පළමු අර්ධය අවසන් වීමට පෙර බුකායෝ සාකා සිය දෙවැනි ගෝලයත් වාර්තා කිරීම හේතුවෙන් පළමු අර්ධය අවසන් වන විට එංගලන්තය ගෝල 4-0 ක් ලෙස පෙරමුණේ පසු වුණා.
කෙසේ වෙතත්, දෙවැනි අර්ධය ආරම්භ වී 48 වැනි මිනිත්තුවේදී කිලියන් එම්බාපේ ප්රංශය වෙනුවෙන් පළමු ගෝලය වාර්තා කළ අතර 54 වැනි මිනිත්තුවේදී බ්රැඩ්ලි බාර්කෝලා ප්රංශය වෙනුවෙන් තවත් ගෝලයක් රැස් කළා.
නැවතත් 66 වැනි මිනිත්තුවේදී ක්රියාත්මක වූ එම්බාපේ ප්රංශය වෙනුවෙන් තවත් ගෝලයක් වාර්තා කලේ ලකුණු පුවරුව 4-3 ක් ලෙස සටහන් කරමින්.
තරගයේ 87 වැනි මිනිත්තුවේදී ලැබුණු දඩුවම් පහරක් සාර්ථක කරගත් බුකායෝ සාකා එංගලන්තය ගෝල 5-3 ක් ලෙස ඉදිරියට ගෙන ගියා.
තරගය අවසන් වීමට පෙර ප්රංශයේ උස්මාන් ඩෙම්බෙලේ ගෝලයක් ලබා ගනිමින් තරගය 5-4 ක් දක්වා ගෙන ආ අතර,අනතුරුව එංගලන්තයේ ජූඩ් බෙලින්හැම් වාර්තා කළ ගෝලයත් සමඟ තරගයේ ජයග්රහණය ගෝල 6-4 ක් ලෙස එංගලන්තය සතු වුණා.
