එක්සත් අරාබි එමීර් රාජ්‍යයේ ඩුබායි හීදී පැවැත්වෙන තුන්වන ආසියානු යොවුන් පැරා තරගාවලිය (Asian Youth Para Games) එළඹෙන 10 වනදා ආරම්භ වන අතර T20 කාණ්ඩය යටතේ මීටර් 400 නියෝජනය කරනු ලබන විරුජ සෙනිල රත්නවර්ධන ගේ නායකත්වයෙන් යුත් අති දක්ෂ ක්‍රීඩක ක්‍රීඩිකාවන් 08 දෙනෙකුගෙන් සමන්විත කණ්ඩායමක් ශ්‍රී ලංකාව නියෝජනය කරමින් 2025 දෙසැම්බර් මස 07 වෙනිදා මෙරටින් පිටත්වෙයි.
මෙම කණ්ඩායම විවිධ ආබාධිත කාණ්ඩ යටතේ වූ මලල ක්‍රීඩා (පිරිමි 3/කාන්තා 1), මේස පන්දු (පිරිමි 2) හා බැඩ්මින්ටන් (පිරිමි 2) යනාදි වශයෙන් තරගවැදීමට නියමිතයි.
ජාතික පැරාලිම්පික් කමිටුවේ ඉල්ලීම පරිදි මෙම සංචාරය සඳහා ක්‍රීඩා ආමාත්‍යංශය විසින් නවාතැන් පහසුකම් සඳහා ප්‍රතිපාදන අනුමත කොට ඇත. මීට අමතරව අනෙකුත් වියදම් සඳහා Dialog Axiata සමාගම විසින් මූල්‍යය ප්‍රදානයක් ද, MAS Holdings ආයතනය විසින් ඇඳුම් සඳහා අනුග්‍රාහකත්වයක් ද දක්වා ඇති අතර ගුවන් ටිකට් පත් සඳහා වියදම කණ්ඩායම විසින් දරණු ඇත.
මෙවර AYPG තරගාවලිය සඳහා ආසියානු රටවල් 35කට අධික සංඛ්‍යාවක් සහභාගී වීමට නියමිතයි.
මෙඅර තරගාවලිය සඳහා (Para Archery, Para Arm Wrestling, Para Athletics, Para Badminton, Boccia, Goal ball, Para Powerlifting, Para Swimming, Para Table Tennis, Para Taekwondo & Wheelchair Basketball) ආදී වශයෙන් තරග ඉසව් 11ක් පවත්වනු ලබයි.
එළඹෙන 07 වනදා සවස 6.40ට ඩුබායි බලා දිවයිනෙන් පිටවීමට නියමිත ශ්‍රී ලංකා කණ්ඩායම ක්‍රීඩක ක්‍රීඩිකාවන් හා පුහුණුකරුවන් සමගින් 16 දෙනෙකුගෙන් සමන්විතයි.
