අන්තර් පාසල් ලීග් රග්බි තරගාවලියේ කොළඹ ලුම්බිනි විද්‍යාලය සමග ඊයේ පැවති තරගය ජය ගැනීමට කොළඹ ඉසිපතන විද්‍යාලය සමත් වුණා. තරගය පැවැත්වුණේ, ආනන්ද විද්‍යාලයීය ක්‍රීඩාංගණයේදී.
කොළඹ ලුමිබිණි සහ ඉසිපතන විද්‍යාල අතර තරගය පැවැත්වුණේ, මේ සතියේ අවසන් තරගය ලෙසයි. ආරම්භයේ සිටම පෙරමුණ ගත් කොළඹ ඉසිපතන විද්‍යාලය පළමු අර්ධයේදී ලකුණු 21 ක් රැස් කළා.
නමුත්, ලුම්බිණි විද්‍යාලය ලබා ගත්තේ ලකුණු 3 ක් පමණයි. නියමිත කාලය අවසන් වන විට ලකුණු 33 ට 6 ක් ලෙස තරගය ජය ගැනීමට ඉසිපතන විද්‍යාලය සමත් වුණා. ජයග්‍රාහී ඉසිපතන ක්‍රීඩකයින් ලකුණු රැස් කළේ, ගෝල දිනුම් 4 ක් සහ උත්සහක දිනුමක් මගින්.
