ශ්රී ලංකා කණ්ඩායම සමග පැවැති තරග දෙකකින් සමන්විත වූ රග්බි තරගාවලිය ජයගැනීමට කිලෝග්රෑම් 85 ට අඩු නවසීලන්ත රග්බි කණ්ඩායම සමත්වුණා. දෙවැනි තරගය ඊයේ පැවැත්වුණේ නිත්තවෙල ක්රීඩාංගණයේදී.
මෙම තරගය නැරඹීම සඳහා විශාල ප්රේක්ෂක පිරිසක් නිත්තවෙල ක්රිඩාංගණයට පැමිණ සිටියා. පළමු අර්ධයේදී නවසීලන්තය ලකුණු 13 ක් රැස්කළ අතර, ශ්රී ලංකාව රැස්කළ ලකුණු සංඛ්යාව 7 ක්. දෙවන අර්ධයේදී නවසීලන්තය තවත් ලකුණු 12 ක් ලබාගත්තා.
ශ්රී ලංකාව එහිදී රැස්කළ ලකුණු සංඛ්යාව 3ක්. ඒ අනුව ලකුණු 25 ට 10 ක් ලෙස තරගය ජයගැනීමට නවසීලන්ත ක්රීඩකයින් සමත්වුණා. ඔවුන් ලකුණු රැස්කළේ ගෝල දිනුම් 2 ක්, උත්සාහක දිනුමක් සහස දඩුවම් පහර දෙකකින්. පසුගිය වසරේදීද මෙම තරගාවලි ජයග්රහණය හිමිවූණේ නවසීලන්තයටයි.
