වයස අවුරුදු 22 න් පහළ යොවුන් බොක්සිං තරගාවලියේ ඊයේ පැවති මූලික වටයේ තරගවලින් ශ්‍රී ලංකා ක්‍රීඩකයින් දෙදෙනෙකු ජය වාර්තා කළා.
තරගාවලිය පැවැත්වෙන්නේ, කොළඹ සුගතදාස ගෘහස්ථ ක්‍රීඩාංගණයේදී.
කිලෝග්රෑම් 48 බර පන්තිය යටතේ ශ්‍රී ලංකාව නියෝජනය කළේ, සත්සර වර්ණකුලසූරිය.
ඔහුගේ ප්‍රතිවාදී ක්‍රීඩකයා ලෙස කිරිගිස්තානයේ ඇනර්ලි අනර්බකේව් තරග වැදුණා.
එහිදී, ලකුණු 5ට බින්දුවක් ලෙස ජය වාර්තා කිරීමට සත්සර වර්ණකුලසූරිය සමත් වුණා.
ශ්‍රී ලංකාව වෙනුවෙන් මෙවර තරගාවලියේදී, පළමුවෙන් තරග බිමට පිවිසියේ ද ඔහු වීම විශේෂත්වයක්.
කිලෝග්රෑම් 57 බර පන්තියෙන් තරග වැදුණු හසංජිත් ජයතිස්ස ද අද පැවති තරගයේ ජය හිමි කර ගැනීමට සමත් වුණා.
ඔහුගේ ප්‍රතිවාදියා වූයේ, සෞදි අරාබි ක්‍රීඩක මොහොමඩ් අල්හයිඩායි. එම තරගය හංසජිත්, ලකුණු 5 ට බින්දුවක් ලෙස ජයග්‍රහණය කළා.
