ඉන්දියාවේ ෂිම්ලාහීදී පසුගියදා (අප්රේල් 08-11) පැවති දකුණු ආසියානු යොවුන් මේස පන්දු ශූරතාවලියේදී රිදී පදක්කම් 3ක් සහ ලෝකඩ පදක්කම් 11ක් දිනා ගනිමින් මවුබිමට අභිමානයක් ගෙන දුන් ශ්රී ලංකා කණ්ඩායම ඊයේ (11) පෙරවරුවේ තරුණ කටයුතු සහ ක්රීඩා අමාත්ය සුනිල් කුමාර ගමගේ මහතා හමුවිය.
අමාත්යංශ පරිශ්රයේදී පැවැති මෙම හමුවේදී අමාත්යවරයා ජයග්රාහී ක්රීඩක ක්රීඩිකාවන් සමග සුහද කතාබහක නිරත් වූ අතර, ඔවුන් ලබාගත් ජයග්රහණ අගය කරමින් ඉදිරි ක්රීඩා කටයුතු සඳහා සුබපැතුම් එක් කළේය. මෙහිදී කණ්ඩායමේ පුහුණුකරුවන් සහ නිලධාරීන් ද සමග සමූහ ඡායාරූපයකට පෙනී සිටීමට ද අමාත්යවරයා එක් විය.
මෙම තරගාවලියේදී ශ්රී ලංකා වයස අවුරුදු 19න් පහළ බාලිකා කණ්ඩායම හා වයස අවුරුදු 15න් පහළ බාලක කණ්ඩායම රිදී පදක්කම් දිනාගත් අතර 15න් පහළ බාලිකා කණ්ඩායම ලෝකඩ පදක්කම දිනාගත්තා.
එසේම ඒකල තරග අංශයෙන් සානොත් දුල්ජිත්, චනුකි අක්ෂානා, මුතුලි සහන්යා, අකායින් බෝජිත් හා ශමල්යා දෙව්මි ලෝකඩ පදක්කම් දිනාගත්තා.
මෙම තරග සංචාරය සඳහා පුහුණුකරුවන් ලෙස චතුර දුෂාන් සහ ඩබ්ලිව්.ඒ. බුද්ධසිරි යන මහත්වරුන් කටයුතු කළා.
