ආසියානු විසිකිරීමේ තරගාවලියේදී රිදී පදක්කම් හිමිකරගත් සුමේධ රණසිංහ සහ නදීශා දිල්හානි ලේකම්ගේ යන ක්‍රීඩක ක්‍රීඩිකාවන් ඊයේ දිවයිනට පැමිණියා. තරගාවලිය මෙවර පැවැත්වුනේ දකුනු කොරියාවේදී.
ජයග්‍රාහී ක්‍රීඩක ක්‍රීඩිකාවන් පිළිගැනීම සඳහා ශ්‍රී ලංකා ගුවන් හමුදා ක්‍රීඩා අංශයේ නිලධාරීන් ඇතුලු පිරිසක් ගුවන් තොටුපොලට පැමිණ සිටියා.
මෙවර තරගාවලියේ කාන්තා හෙල්ල විසිකිරීමේ ඉසව්වෙන් දිල්හානි ලේකම්ගේ රිදී පදක්කම හිමිකර ගත්තේ මීටර 56 යි දශම 7 යි 9 ක දක්ෂතාවක් දක්වමින්.
එම දක්ෂතාව සටහන් වන්නේ ඇය මෙම තරග සමයේ දැක්වූ හොඳම දක්ෂතාව ලෙසයි. සුමේධ රණසිංහ හෙල්ල විසිකිරීමේ පිරිමි ඉසව්වෙන් රිදී පදක්කම හිමිකර ගත්තේ මීටර 76 යි දශම 9 යි 5 ක දක්ෂතාවක් දක්වමින්.
එය සටහන් වන්නේ සුමේධ මෙවර තරගාවලියේ දැක්වූ හොඳම දක්ෂතාව ලෙසයි.
