ෆිබා ආසියානු කුසලාන 2029 තරගාවලියට පූර්ව සුදුසුකම් ලැබීමේ පැසිපන්දු තරගාවලියේ, පළමු වටයේ තරගයකදී මාලදිවයින් කණ්ඩායම පරාජය කරමින් විශිෂ්ට ජයක් හිමි කර ගැනීමට ශ්‍රී ලංකා කණ්ඩායම ඊයේ සමත් වුණා.
තරගාවලිය පැවැත්වෙන්නේ, කසක්ස්තානයේ අල්ටිමා හිදී.
තරගාවලියේ ‘බී’ කාණ්ඩයෙන් ශ්‍රී ලංකා පැසිපන්දු කණ්ඩායම තරග වදිනවා.
තරගය ආරම්භයේ සිටම දක්ෂ ක්‍රීඩා විලාශයක් පෙන්නුම් කිරීමට ශ්‍රී ලංකා කණ්ඩායම සමත් වුණා.
ඒ අනුව, පළමු අර්ධය නිමා වුණේ, ලකුණු 60 ට 32 ක් ලෙස ශ්‍රී ලංකා කණ්ඩායම පෙරමුණ ගනිමින්.
දෙවැනි අර්ධයේදී තවත් ලකුණු 47 ක් ලබා ගැනීමට ශ්‍රී ලංකා කණ්ඩායම සමත් වුණා.
එහිදී, මාලදිවයින් කණ්ඩායම රැස‍් කළේ ලකුණු 33 ක් පමණයි.
ඒ අනුව, නියමිත කාලය අවසානයේ ලකුණු 107 ට 65 ක් ලෙස ශ්‍රී ලංකා කණ්ඩායම තරගය ජය ගත්තා.
ශ්‍රී ලංකාව, පළමු වටයේ තරග වදින මීළඟ තරගය පලස්තීන කණ්ඩායම සමගින් අද පැවැත්වෙනවා.
