2026 විස්සයි විස්ස ලෝක කුසලානයේ මෙතෙක් කණ්ඩායමක් රැස් කළ වැඩිම ලකුණු සංඛ්යාව ලබාගැනීමට අද අයර්ලන්තය සමත් වුණා. ඒ ඕමානයට එරෙහිව කඩුලු 5ට ලකුණු 235ක් ලබාගනිමින්. තරගය පැවැත්වුණේ කොළඹ එස්.එස්.සී පිටියේදීයි.
කාසියේ වාසිය දිනූ ඕමාන් කණ්ඩායම මුලින් පන්දුවට පහරදීම සඳහා අයර්ලන්තයට ආරාධනා කළා. ඒ අනුව ඔවුන් කඩුලු 5ට ලකුණු 235ක් ලබාගත්තා.
අයර්ලන්ත කණ්ඩායමේ පළමු කඩුලු 4 ලකුණු 64ට දැවී ගිය අතර ඉන්පසු පස්වන කඩුල්ලට ලෝකන් ටකර් හා ගැරට් ඩෙලනි පන්දි 58ට ලකුණු 101ක සබඳතාවයක් ගොඩනැගුවා.
ලෝකන් ටකර් පන්දු 51ට නොදැවී ලකුණු 94ක් ලබාගත් අතර ගැරත් ඩෙලනි පන්දු 30ට ලකුණු 56ක් ලබාගත්තා. ජෝර්ජ් ඩොක්රල් පන්දු ට ලකුණු 36ක් ලබාගත්තේ හයේ පහර 5ක් සමගින්.
පන්දු යැවීමේදී ඕමානය වෙනුවෙන් ශකීල් අහමඩ් කඩුලු 3ක් දවාගත්තා.
පිලිතුරු ලෙස ඕමානය ලබාගත්තේ සියලු කඩුලු දැවී ලකුණු 139ක් පමණයි. ආමීර් කාලීම් පන්දු 29ට ලකුණු 50ක් ලබාගත් අතර හමාද් මිර්සා ලකුණු 46ක් ලබාගත්තා.
පන්දු යැවීමේදී ජොෂ් ලිට්ල් කඩුලු 3ක් ලබාගත් අතර මැතිව් හම්ෆ්රීස් හා බැරී මැකාති කඩුලු 2 බැගින් දවාගත්තා.
ඒ අනුව මේ තරගයෙන් ලකුණු 96ක ජයක් ලබාගත් අයර්ලන්තය මෙවර ලෝක කුසලානයේ පළමු ලකුණු 2 ලබාගත්තා.
තරගයේ වීරයා ලෝකන් ටකර්.
