ශ්‍රී ලංකාව හා ඉන්දියාව අතර පළමු ටෙස්ට් තරගයේ සිව්වන දිනය අදයි. තරගයේ අවසන් ඉනිම ක්‍රීඩා කරන ශ්‍රී ලංකා කණ්ඩායම දිනය අවසාන වන විට කඩුලු 4ක් දැවී ලකුණු 84ක් ලබා සිටියා.
අද දින තේ පානය සඳහා තරගය නතර කිරීමට පෙර ඉන්දීය කණ්ඩායමේ සියලු කඩුලු ලකුණු 193ට දවාගැනීමට ශ්‍රී ලංකා පන්දු යවන්නන් සමත් වූ අතර ඒ අනුව ශ්‍රී ලංකාවට ලකුණු 372ක ඉලක්කයක් හිමි වුණා.
ඉන්දීය කණ්ඩායම වෙනුවෙන් රිෂාබ් පන්ට් ලකුණු 66ක් හා දෙව්දත් පඩික්කල් ලකුණු 44ක් ලබාගත්තා.
පන්දු යැවීමේදී ශ්‍රී ලංකා කණ්ඩායම වෙනුවෙන් අසිත ප්‍රනාන්දු කඩුලු 4ක්, ප්‍රභාත් ජයසූරිය කඩුලු 3ක්, ලහිරු කුමාර කඩුලු 2ක් හා කේෂර නුවන්ත 1 කඩුල්ලක් බැගින් ලබාගත්තා.
ශ්‍රී ලංකා කණ්ඩායමේ දෙවනි ඉනිමේ පළමු කඩුලු 4 ලකුණු 47ට දැවී ගිය අතර මේ වන විට කඩුල්ලේ රැඳී සිටින ධනන්ජය සිල්වා (31) හා සොනාල් දිනූෂ (25) අතර ලකුණු 37 සබඳතාවයක් ගොඩනගා තිබෙනවා.
හෙට තරගයේ අවසන් දිනය වන අතර ශ්‍රී ලංකාවට ජයග්‍රහණය සඳහා තවත් ලකුණු 288ක් අවශ්‍යය අතර ඉන්දියාවට අවශ්‍යය වන්නේ කඩුලු 6ක් පමණයි.
