2026 හොංකොං සික්සර්ස් ක්‍රිකට් තරගාවලියේ බංග්ලාදේශය සමග පැවති තරගය ශ්‍රී ලංකාව කඩුල්ලකින් ජය ගත්තා.
මෙවර තරගාවලියේදී ශ්‍රී ලංකාව සහභාගී වූ පළමු තරගය මෙයයි.
හොංකොංහිදී පැවති තරගයේ පළමුවෙන් පන්දුවට පහර දුන් බංග්ලාදේශ කණ්ඩායම නියමිත පන්දුවාර 6 අවසානයේ කඩුලු 4ක් දැවී රැස් කළ ලකුණු සංඛ්‍යාව 127ක්.
රහමන් සොහාන් නොදැවී ලකුණු 57ක් රැස් කළා.
ලකුණු 128ක ඉලක්කයක් හඹා ගිය ශ්‍රී ලංකා කණ්ඩායම තරගය ජයගත්තේ පන්දුවාර 5යි පන්දු 2ක් තුළ කඩුලු 5ක් දැවී සිටියදී.
විශිෂ්ට ඉනිමක් ක්‍රීඩා කළ විශේන් හැළඹගේ පන්දු 17කින් ලකුණු 80ක් රැස් කළා.
