ශ්‍රී ලංකාව, පාකිස්තානය හා එංගලන්තය අතර පැවැත්වෙන තුන්කොන් එක්දින තරගාවලිය අද දින සිට ආරම්භවීමට නියමිතයි. පළමු තරගය පාකිස්තානය හා ශ්‍රී ලංකාව අතර රාවල්පිණ්ඩි හීදී දිවා රාත්‍රී තරගයක් ලෙස පැවැත්විමට නියමිතයි.
ශ්‍රී ලංකා කණ්ඩායමේ එක්දින සංයුතිය සඳහා පසුගිය දා ලහිරු උදාර ආරම්භක පිතිකරුවෙක් ලෙස එක් වුණා. ඒ පැතුම් නිශ්ශංකගේ ආබාධයක් හේතුවෙන්.
එසේම ආබාධයක හේතුවෙන් මේ තරගාවලිය විනිඳු හසරංගට ද අහිමි වී ඇති අතර ශ්‍රී ලංකා දඟ පන්දුවේ වගකීම මහීෂ් තීක්ෂණ හා සචිදු කොළඹගේ හට හිමිව තිබෙනවා.
ශ්‍රී ලංකා කණ්ඩායමේ වේග පන්දු බලඇණිය දුශ්මන්ත චමීර, අසිත ප්‍රනාන්දු, දිල්ශාන් මධුසංක හා එශාන් මාලිංග ගෙන් සමන්විතයි.
පාකිස්තාන් කණ්ඩායමේ ශහීබ්සාදා ෆර්හාන් හා මාස් සදාකත් එක්දින සංචිතයෙන් ඉවත් කොට තිබේ. ඒ අනුව පාකිස්තානය වෙනුවෙන් ආරම්භක පිතිකරුවන් ලෙස ෆකාර් සමාන් හා සයීම් අයූබ් කටයුතු කිරීමට නියමිතයි.
අද තරගය ශ්‍රී ලංකා වේලාවෙන් පස්වරු 1.30ට ආරම්භවීමට නියමිත අතර ශ්‍රී ලංකාව සහභාගී වන මීළඟ තරගය එංගලන්තයට එරෙහිව ලබන 22 දා පැවැත්වීමට නියමිතයි.
