ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර පැවැත්වීමට නියමිත ව තිබූ දෙවන එක්දින ක්‍රිකට් තරගය සම්පූර්ණයෙන්ම අතහැර දැමීමට තීරණය කළා. ඒ සබිනා පාර්ක් ක්‍රීඩාංගණයට ඇද හැලුණු ධාරානිපාත වර්ෂාව හේතුවෙන්.
නියමිත වෙලාවට වඩා පැය භාගයක් ප්‍රමාද වී කාසියේ වාසිය උරගා බැලූ අතර එහි වාසිය ජයගත් බටහිර ඉන්දීය කොදෙව් කණ්ඩායම ප්‍රථමයෙන් පන්දු යැවීමට තීරණය කර තිබුණා. කෙසේ නමුත්, ක්‍රීඩාංගණයට අඛණ්ඩව ඇද හැලුණු වර්ෂාව හේතුවෙන් තරගය අතහැර දැමීමට විනිසුරුවන් තීරණය කළා.
තරග තුනකින් සමන්විත මෙම එක්දින ක්‍රිකට් තරගාවලිය 1-0ක් ලෙස ශ්‍රී ලංකා කණ්ඩායම පෙරමුණේ පසුවන අතර, දෙරට අතර පැවැත්වෙන තෙවන සහ අවසන් එක්දින තරගය අනිද්දා (09) පැවැත්වීමට නියමිතයි.
