ලෝක කුසලාන 20-20 ක්රිකට් තරගාවලියේ අවසන් පූර්ව වටයට සුදුසුකම් ලබා ගැනීමට ඉන්දියා කණ්ඩායම ඊයේ සමත් වුණා.
ඒ, සුපිරි අට වටයේ තරගයක් ලෙස පැවති ඉන්දියා – බටහිර ඉන්දීය කොදෙව් කණ්ඩායම අතර තරගයේදී, ඉන්දියා කණ්ඩායම කඩුලු 5 ක ජයක් හිමි කර ගනිමින්.
මේ අනුව, ලෝක කුසලාන 20-20 ක්රිකට් තරගාවලියේ අවසන් පූර්ව වටයට දකුණු අප්රි කාව, ඉන්දියාව, එංගලන්තය සහ නවසීලන්තය සුදුසුකම් ලබා අවසන්
ඉන්දියාව සහ බටහිර ඉන්දීය කොදෙව් කණ්ඩායම් අතර තරගය ඊයේ පැවැත්වුණේ, ඉන්දියාවේ, කොල්කටාහිදී.
කාසියේ වාසිය හිමි කර ගත් ඉන්දියාව පළමුවෙන් පන්දුවට පහරදීමේ අවස්ථාව බටහිර ඉන්දීය කොදෙව් කණ්ඩායම ලබා දුන්නා.
ඒ අනුව, ඔවුන් පන්දුවාර 20 තුළ කඩුලු 4 ක් දැවී ලකුණු 195 ක් රැස් කළා. රොස්ටන් චේස් ලකුණු 40 යි. ජේසන් හෝල්ඩර් නොදැවී ලකුණු 37 ක් ලබා ගත්තා. පන්දු යැවීමේදී ජස්ප්රිට් බුම්රා කඩුලු 2 ක් බිඳහෙලුවා. පිළිතුරු ඉනිම ක්රීඩා කළ ඉන්දියා කණ්ඩායම පන්දුවාර 19 යි පන්දු 2 ක් අවසානයේ කඩුලු 5 ක් දැවී ලකුණු 199 ක් රැස් කරමින් තරගය ජය ගත්තා.
තරගය ජයග්රහණය කරා ගෙන යමින් විශිෂ්ට පිතිහරඹයක නිරත වූ සන්ජු සැම්සන් පන්දු 50 කදී නොදැවී ලකුණු 97 ක් ලබා ගත්තා. ඊට හතරේ පහර 12 ක් සහ හයේ පහර 4 ක් ඇතුළත්. තිලක් වර්මා ලකුණු 27 යි.
පන්දු යැවීමේදී ජේසන් හෝල්ඩර් සහ ශාමර් ජෝසප් කඩුලු 2 බැගින් බිඳහෙලුවා. මෙම ජයග්රහණයත් සමගින් ඉන්දියාව ලෝක කුසලාන 20-20 ක්රිකට් තරගාවලියේ සුපිරි අට වටයේ පළමු කාණ්ඩයෙන් අවසන් පූර්ව තරගයට සුදුසුකම් ලබා ගැනීමට සමත් වුණා.
ලෝක කුසලාන 20-20 තරගාවලියන්හිදී ඉන්දියාව මේ වන විට 6 වතාවක් අවසන් පූර්ව වටයට සුදුසුකම් ලබා තිබෙනවා. ඒ අනුව, ලබන 4 වැනිදා නවසීලන්තය සහ දකුණු අප්රිකාව පළමු අවසන් පූර්ව තරගයට ක්රීඩා කිරීමට නියමිතයි. ඉන්දියාව සහ එංගලන්තය ලබන 5 වැනිදා දෙවැනි අවසන් පූර්ව තරගයට ක්රීඩා කරනු ඇති.
