පෝලන්තයේදී පැවැත්වෙන ලෝක ශුරතා ගෘහස්ථ මලල ක්‍රීඩා තරගාවලියේ මීටර 60 පිරිමි ධාවන ඉසව්වේ රන් පදක්කම හිමි කර ගැනීමට අමෙරිකාවේ ජෝරඩන් ඇන්තනි සමත් වුණා.
තවමත් 21 වැනි වියෙහි පසුවන ඔහු තරගය නිමා කලේ තත්පර 6.41 ක කාලයක් වාර්තා කරමින්.
එහි රිදී පදක්කම ජැමෙයිකාවේ ක්‍රිෂාන් තොම්සන් හිමි කර ගත්තා.
ඔහු ඒ සදහා ගත කළ කාලය තත්පර 6.45 ක්.
ලෝකඩ පදක්කම අමෙරිකාවේ ට්‍රෙයිවන් බ්‍රෝමෙල්ට හිමි වුණා.
තුන් පිම්ම පිරිමි ඉසව්වේ රන් පදක්කම හිමි කර ගත්තේ ඉතාලියේ ඇන්ඩි ඩයස්.
ඔහු දැක්වූ දක්ෂතාව මීටර 17.47 ක්.
කාන්තා උස පැනීමේ ඉසව්වේ රන් පදක්කම හිමි කර ගැනීමට යුක්‍රේනයේ යරොස්ලාවා මහුචික් සමත් වුණා.
එහිදී ඇය මීටර 2.01 ක උසක් වාර්තා කළා.
මීටර 400 මිශ්‍ර සහාය ධාවන ඉසව්වේ රන් පදක්කම හිමි ගත්තේ බෙල්ජියම් කණ්ඩායම විසින්.
ඔවුන් තරගය නිමා කලේ මිනිත්තු 3යි තත්පර 15 .60 ක කාලයක් වාර්තා කරමින්.
එහි රිදී පදක්කම ස්පාඤ්ඤයටත්, ලෝකඩ පදක්කම ජැමෙයිකාවටත් හිමිවුණා.
