ලෝක කුසලාන 20 – 20 ක්රිකට් තරගාවලියේ ඔ්මානය සමග පැවැති තරගය ලකුණු 105 කින් ජය ගැනීමට ශ්රී ලංකා කණ්ඩායම සමත් වුණා.
ශ්රී ලංකා කණ්ඩායම සහ ඔමානය අතර තරගය පැවැත්වුණේ බී කාණ්ඩයේ තරගයක් ලෙසයි.
පල්ලෙකැලේ අන්තර් ජාතික ක්රිකට් ක්රීඩාංගණයේදී පැවැති තරගයේ කාසියේ වාසිය හිමි කර ගත්තේ ඔමාන කණ්ඩායමයි.
ඔවුන් පළමුවෙන් පන්දුවට පහර දීමේ අවස්ථාව ශ්රී ලංකාවට ලබා දුන්නා.
අයර්ලන්තය සමග ක්රීඩා ක්රීඩකයින් අතරින් එක් වෙනස්කමක් ශ්රී ලංකා කණ්ඩායමේ සිදුකර ඇති අතර , ආබාධයක් හේතුවෙන් තරගාවලිය අහිමි වූ වනිදු හසරංග වෙනුවට දුශාන් හේමන්ත කණ්ඩායට කැදවා තිබෙනවා.
ශ්රී ලංකා කණ්ඩායමේ ආරම්භ පිතිකරුවන් ලෙස පිටියට පිවිසියේ පැතුම් නිස්සංක සහ කමිල් මිෂාර.
ආරම්භක කඩුල්ලේ සබධතාව ලකුණ 15 ක් වන විට කමිල් මිෂාර ලකුණු 8 කට දැවී ගියා.
පැතුම් නිස්සංක ලකුණු 13 යි.
පවන් රත්නායක තම 20-20 ක්රිකට් දිවියේ පළමු අර්ධ ශතකය වාර්තා කරමින් ලකුණු 60 ක් රැස් කළා.
පන්දු 28 කදී ගොඩ නැගුණු ඔහුගේ ඉනිමට 4 පහර 8 ක් සහ 6 පහරක් ඇතුළත්.
කුසල් මෙන්ඩිස් තම 20 – 20 ක්රිකට් දිවියේ 19 වැනි අර්ධ ශතකය අද වාර්තා කළා.
වේගවත් ඉනිමක් ක්රීඩා කළ දසුන් ශානක පන්දු 19 කදී අර්ධ ශතකයක් වාර්තා කළ අතර එය 20 – 20 ජාත්යන්තර ක්රිකට් තරගයකදී ශ්රී ලංකා ක්රිඩකයෙකු වාර්තා කළ වේගවත්ම අර්ධ ශතකයයි.
ඔහු ශ්රී ලංකා ඉනිමේ සිව්වැනි කඩුල්ල ලෙස දැවී ගියේ ලකුණු 50 ක් ලබා සිටියදී. දසුන්ගේ ඉනිමට 4 පහර 2 ක් සහ 6 පහර 5 ක් ඇතුලත්.
කුසල් මෙන්ඩිස් ලකුණු 61 ක් ලබා සිටියදී දුවද්දී දැවී ගියේ ශ්රී ලංකා ඉනිමේ 5 වැනි කඩුල්ල ලෙස.
පන්දු 45 කදී ගොඩනැගුණු කුසල්ගේ ඉනිමට 4 පහර 7 ක් ඇතුළත්.
ශ්රී ලංකා කණ්ඩායම පන්දු වාර 20 ඇතුළත කඩුලු 5 ක් දැවී ලකුණු 225 ක් රැස්කළා. එය මෙවර ලෝක කුසලාන 20-20 ක්රිකට් තරගාවලියේ කණ්ඩායමක් රැස් කළ වැඩිම ලකුණු සංඛ්යාවයි.
පිලිතුරු ලෙස ලකුණු 226 ක ඉලක්කයක් හඹා යමින් ඔ්මාන ඉනිම ආරම්භ කළේ ආමීර් කලීම් සහ ජටින්ඩර් සිං.
ආරම්භ කඩුල්ලේ සබධතාව ලකුණු ජටින්ඩර් සිං ලකුණු 1 කට දැවී ගිය අතර, ආමීර් කලීම් ලකුණු 6 යි.
හමාඩ් මිර්සා ලකුණු 9 කටත්, වසීම් අලී ලකුණු 27 කටක් දැවී ගියා.
ඔ්මාන කණ්ඩායම පන්දුවාර 20 ඇතුළත කඩුලු 9ක් දැවී රැස් කලේ ලකුණු 120 ක් පමණයි.
