විස්සයි විස්ස ලෝක කුසලානයේ සිම්බාබ්වේ කන්ඩායම හා ඕස්ට්රේලියාව අතර තරගයෙන් ලකුණු 23ක ජයක් ලැබීමට සිම්බාබ්වේ කණ්ඩායම සමත් වුණා. තරගය පැවැත්වුණේ කොළඹ ආර්.ප්රේමදාස පිටියේදීයි.
පළමුවෙන් පන්දුවට පහර දුන් සිම්බාබ්වේ කණ්ඩායම කඩුලු 2ට ලකුණු 169ක් ලබාගත්තා.
බ්රයන් බෙනට් නොදැවී ලකුණු 64ක්, තඩිවනෂේ මරුමනි ලකුණු 35ක්, රයන් බර්ල් ලකුණු 35ක් හා සිකන්දර් රාසා නොදැවී ලකුණු 25ක් ලබාගත්තා.
ඕස්ට්රේලියාව වෙනුවෙන් මාකස් ස්ටොයිනිස් හා කැමරන් ග්රීන් එක් කඩුල්ල බැගින් දවාගත්තා.
පිලිතුරු ඉනිම ක්රීඩා කළ ඕස්ට්රේලියා කන්ඩායමේ සියලු කඩුලු ලකුණු 146ට දැවී ගිය අතර මැට් රේන්ෂෝ ලකුණු 65ක් හා ග්ලෙන් මැක්ස්වෙල් ලකුණු 31ක් ලබාගත්තා.
සිම්බාබ්වේ කණ්ඩායම වෙනුවෙන් බ්ලෙසිං මුසරබානි ලකුණු 17ට කඩුලු 4ක් දවාගත් අතර බ්රැඩ් එවන්ස් කඩුලු 3ක් දවාගත්තා.
මේ ජයග්රහණයත් සමග සිම්බාබ්වේ කණ්ඩායම ප්රසාද ලකුණු සටහනේ දෙවන ස්ථානයට පැමිණියා.
තරගයේ වීරයා ලෙස නම් කෙරුණේ බ්ලෙසිං මුසරබානි.
