එල්.පී.එල් තරගාවලියේ පස්වෙනි තරගයේ ජය වාර්තා කිරීමට කලම්බෝ කැප්ස් කණ්ඩායම සමත් වුණා. ඒ කැන්ඩි රෝයල්ස් කණ්ඩායම කඩුලු 6 කින් පරාජය කරමින්.තරගය පැවැත්වුණේ කොළඹ එස්එස්සී ක්‍රීඩාංගනයේදී.
පළමුවෙන් පන්දුවට පහර දුන් කැන්ඩි රෝයල්ස් කණ්ඩායම පන්දුවාර 20 ඇතුලත ලකුණු 179 ක් රැස්කළා.
ලහිරු උදාර ලකුණු 53 යි. ඇන්ජලෝ මැතිව්ස් ලකුණු 43 ක් රැස්කළ අතර මොයින් අලි ලකුණු 41 යි.
පන්දු යැවීමේදී බිනුර ප්‍රනාන්දු කඩලු හතරක් දවා ගත් අතර හසන් මහමුද් කඩුලු 3 යි.
පිළිතුරු ලෙස කලම්බෝ කැප්ස් කණ්ඩායම තරගය ජයගත්තේ පන්දුවාර 19.4කදී කඩුලු 4ක් දැවී ලකුණු 182 ක් රැස් කරමින්.
ජනිත් ලියනගේ නොදැවී ලකුණු 53 ක් රැස් කල අතර ජේම්ස් නීශම් නොදැවී ලකුණු 48 යි.
