ෆිෆා ලෝක කුසලාන පාපන්දු තරගාවලියේ ශූරතාව හිමිකර ගැනීමට ස්පාඤ්ඤය සමත් වුණා.
ඒ තියුණු තරඟයකින් පසුව ආජන්ටිනාව පරාජය කරමින්.
ඇමරිකාවේ නිව් යෝර්ක් නුවර නිව් ජර්සි ක්‍රීඩාංගනයේදී පවතිි තරඟය නැරඹීම සඳහා 90,000 කට අධික ප්‍රේක්ෂක පිරිසක් එක්ව සිටියා.
ස්පාඤ්ඤය අවසන් තරගයට පිවිසියේ වසර දහසයකට පසුව ලෝක කුසලාන පපාපන්දු තරගාවලියක ශුරතාව හිමිකර ගැනීමේ අරමුණින්.
මේ අතර අඛණ්ඩව දෙවැනි වරටත් ලෝක පාපන්දු කිරුළ ජයග්‍රහණය කිරීමේ අරමුණින් ආජන්ටිනාව අවසන් තරගයට පිවිසියා.
ඉතා තියුණු මුහුණුවරක් ගත් තරගයේ පළමු අර්ධය අවසන් වුණේ කණ්ඩායම් දෙකම ගෝල වර්තා කිරීමට පෙරයි.
නියමිත කාලය අවසන් වන තෙක්ද කිසිදු කණ්ඩායමක් ගෝල වර්තා කළේ නැහැ.
ඒ අනුව ජය පරාජය තීරණය කිරීමට අතිරේක කාලයක් ලබාදුන්නා.
එහිදී ස්පාඤ්ඤයේ ෆෙරාන් ටොරෙස් ගෝලයක් වාර්තා කිරීමට සමත් වුණා. ඒ 106 වැනි මිනිත්තුවේදී.
එම ගෝලයත් සමඟ ස්පාඤ්ඤය වසර 16 කට පසුව ෆිෆා ලෝක කුසලාන පාපන්දු තරගාවලියේ ශූරතාව හිමිකරගත්තා.
ඔවුන් මෙම ශුරතාව හිමි කරගත් දෙවැනි අවස්ථාව මෙයයි.
