බටහිර ඉන්දීය කොදෙව් කණ්ඩායම හා පකිස්තානය අතර පැවති තරග තුනකින් සමන්විත විස්සයි විස්ස තරගාවලිය තරග 2-1ක් ලෙස ජයගැනීමට සමත් වුණා. ඒ ඊයේ පැවති තුන්වන තරගය ලකුණු 13කින් ජයගැනීමත් සමගයි.
තුන්වන තරගයේ කාසියේ වාසිය දිනූ පකිස්තානු නායක සල්මන් අගා මුලින්ම පන්දුවට පහරදීමට තීරණය කළා.
ඒ අනුව පකිස්තානු කණ්ඩායම කඩුලු 4ට ලකුණු 184ක් වාර්තා කළා.
පකිස්තානු කණ්ඩායම ආරම්භක කඩුල්ලට ලකුණු 138ක සබඳතාවයක් ගොඩනැගුවා.
ශහීබ්සාදා ෆර්හාන් 74ක් හා සයීම් අයූබ් ලකුණු 66ක් ලබාගත්තා. කොදෙව් කණ්ඩායම වෙනුවෙන් ජේසන් හෝල්ඩර්, රොස්ටන් චේස් හා ෂමාර් ජෝසෆ් 1 කඩුල්ල බැගින් ලබාගත්තා.
පිළිතුරු ඉනිම ක්රීඩා කළ කොදෙව් පිතිකරුවන්ට නියමිත පන්දුවාර 20 තුළදී ලබාගත් හැකිවූයේ කඩුලු 6ට ලකුණු 176ක් පමණයි.
ඇලික් ඇතනීස් ලකුණු 60ක් ලබාගත් අතර ෂර්ෆේන් රදර්ෆර්ඩ් ලකුණු 51ක් ලබාගත් අතර පකිස්තානය වෙනුවෙන් හසන් අලී, මොහොමඩ් නවාස්, හැරිස් රාවුෆ්, සයීම් අයූබ් හා සුෆියාන් මුකීන් 1 කඩුල්ල බැගින් දවාගත්තා.
ඒ අනුව පකිස්තානු කණ්ඩායමේ බටහිර ඉන්දීය කොදෙව් සංචාරයේ 20-20 තරගාවලිය 2-1ක් ලෙස ජයගැනීමට පාකිස්තානය සමත් වුණා.
තරගාවලියේ වීරයා හසන් නවාස්.
මෙම සංචාරයේ එක්දින තරගාවලිය මෙම මස 6 වැනිදා ආරම්භවීමට නියමිතයි.
