පාකිස්තානය හා එංගලන්තය අතර ටෙස්ට් තරගාවලියේ දෙවන තරගයේ තුන්වන දිනය ඊයේ නිමා වන විට එංගලන්ත කණ්ඩායම පාකිස්තානයට වඩා ලකුණු 357ක් ඉදිරියෙන් සිටියා. තරගය පැවැත්වෙන්නේ ලෝඩ්ස් පිටියේදී යි.
එංගලතය සිය පළමු ඉනිමට ලකුණු 290ක් ලබාගත් අතර පාකිස්තානය ලබාගත්තේ ලකුණු 110ක් පමණයි.
පළමු ඉනිමේදී එංගලන්තය වෙනුවෙන් ජේමි ස්මිත් ලකුණු 61ක් ජෝර්ඩන් කොක්ස් ලකුණු 55ක් හා ගස් ඇට්කින්සන් ලකුණු 45ක් ලබාගත්තා. කඩුලු බිඳ හෙලීමේදී පාකිස්තානය වෙනුවෙන් මොහොමඩ් අබ්බාස් කඩුලු 4ක් හා මොහොමඩ් අලී කඩුලු 3ක් පාකිස්තානය වෙනුවෙන් දවාගත්තා.
පාකිතාන් පළමු ඉනිම වෙනුවෙන් අසාන් අවයිස් ලකුණු 46ක් ලබාගත් අතර වෙනත් කිසිදු ක්රීඩකයෙක් ලකුණු 20 සීමාව පසු කළේ නැහැ. එංගලන්තය වෙනුවෙන් ඔලී රොබින්සන් කඩුලු 4ක්, ජොෆ්රා ආචර් කඩුලු 3ක් හා ජොෂ් ටන්ග් කඩුලු 2ක් දවාගත්තා.
මේ වන විට සිය දෙවනි ඉනිම ක්රීඩා කරන එංගලන්ත පිතිකරුවන් කඩුලු 7ක් දැවී ලකුණු 177ක් ලබාගෙන පාකිස්තානයට වඩා ලකුණු 357ක් ඉදිරියෙන් සිටිනවා.
තුන්වන දිනට තරගය නතර කරන විට එංගලන්තය වෙනුවෙන් කඩුල්ලේ රැඳී සිටින්නේ ලකුණු 50ක් ලබාසිටින ඩෑන් ලෝරන්ස් හා ලකුණු 2ක් ලබා සිටින ඔලී රොබින්සන්.
