ශ්රී ලංකාව හා පාකිස්තානය අතර දෙවන ටෙස්ට් තරගයේ තුන්වන දිනය අද නිමාවෙද්දී දෙවනි ඉනිම ක්රීඩා කරන ශ්රී ලංකා කණ්ඩායම ලකුණු 309ට කඩුලු 9යි.
මෙම දෙවන ටෙස්ට් තරගයේ පළමුවෙන් පන්දුවට පහරදුන් ශ්රී ලංකා කණ්ඩායම සිය පළමු ඉනිමට ලබාගත්තේ ලකුණු 98ක් පමනයි.
ඊට පිළිතුරු වශයෙන් පාකිස්තානය පළමු ඉනිමට ලකුණු 325ක් ලබාගත්තා.
ලකුණු 211ක් පසුපසින් දෙවන ඉනිම ආරම්භ කළ ශ්රී ලංකා කණ්ඩායම තුන්වන දිනය අවසානයේ කඩුලු 9ක් දැවී ලකුණු 309ක් ලබා සිටියා.
ශ්රී ලංකා දෙවන ඉනිම වෙනුවෙන් නායක කුසල් මෙන්ඩිස් ලකුණු 53ක් හා සොනාල් දිනූශ ලකුණු 54ක් ලබාගත් අතර කඩුල්ලේ රැඳී සිටින මිලාන් රත්නායක නොදැවී ලකුණු 60යි.
පන්දු යැවීමේදී පාකිස්තානය වෙනුවෙන් අමීර් ජමාල් කඩුලු 3ක් දවාගත් අතර මොහොමඩ් අබ්බාස් සමග රසාවුල්ලා කඩුලු 2 බැගින් දවාගත්තා.
ශ්රී ලංකා කණ්ඩායම මේ වන විට ලකුණු 82ක් ඉදිරියෙන් සිටිනවා.