ලංකා ප්‍රිමියර් ලීග් 20 – 20 ක්‍රිකට් තරගාවලියේ සිව්වැනි තරගය ජයගැනීමට ජැෆ්නා කිංග්ස්” කණ්ඩායම සමත් වුණා.
ඒ, දඹුල්ල “සික්සස්” කණ්ඩායම කඩුලු 5 කින් පරාජය කරමින්.
තරගය පැවැත්වුණේ කොළඹ එස්.එස්.සී.ක්‍රීඩාංගණයේදී.
අද තරගයේදී දඹුල්ල සික්සස් කණ්ඩායමේ ක්‍රීඩකයින් රෝස පැහැති ක්‍රීඩා ඇඳුමකින් සැරසී ක්‍රීඩා පිටියට පිවිසියා.
පියයුරු පිළිකා පිළිබඳ දැනුවත් කිරීමේ වැඩසටහනට සහයෝගය පළ කිරීම සඳහායි.
පළමුවෙන් පන්දුවට පහරදුන් දඹුල්ල සික්සස් කණ්ඩායම, පන්දු වාර 19 යි, පන්දු 3 කදී සියලු ක්‍රීඩකයින් දැවී ලකුණු 130 ක් රැස්කළා.
වැඩිම ලකුණු ලාභියා වූ පවන් රත්නායක ලකුණු 27 යි. නිරෝෂන් දික්වැල්ලලකුණු 23 ක් රැස්කළා.
පන්දු යැවීමේදී ට්‍රෙවින් මැතිව් සහ ලිසාඩ් විලියම්ස් කඩුලු 3 බැගින් දවාගත්තා.
ඒ අනුව ජැෆ්නා කිංග්ස් කණ්ඩායමට තරගය ජයගැනීම සඳහා හිමි වූ ඉලක්කය ලකුණු 131 ක්
ඔවුන් තරඟය ජය ගත්තේ පන්දුවාර 19 කදී කඩුලු 5 ක් දැවී ලකුණු 133 රැස් කරමින්.
භානුක රාජපක්ෂ ලකුණු 61 යි.
