බටහිර ඉන්දීය කොදෙව් කණ්ඩායම සමග පැවැති දෙවනි 20-20 ක්‍රිකට් තරගය ලකුණු 3 කින් ජය ගැනීමට නවසීලන්ත කණ්ඩායම සමත් වුණා.
තරගය පැවැත්වුණේ නවසීලන්තයේ ඔක්ලන්ඩ් හිදී.
පළමුවෙන් පන්දුවට පහර දුන් නවසීලන්ත කණ්ඩායම පන්දුවාර 20 ඇතුළත කඩුලු 5 ක් දැවී ලකුණු 207 ක් රැස් කළා.
මාර්ක් චැප්මන් ලකුණු 78 යි. පන්දු යැවීමේදී රොස්ටන් චේස් කඩුලු 2 ක් දවා ගත්තා.
පිලිතුරු ලෙස කොදෙව් කණ්ඩායමට පන්දු වාර 20 ඇතුළත කඩුලු 8 ක් දැවී රැස් කිරීමට හැකි වුණේ ලකුණු 204 ක් පමණයි.
රොත්මන් පවෙල් ලකුණු 45 ක් රැස් කළා. පන්දු යැවීෙම්දී ඉෂ් සෝධි සහ මිචෙල් සැන්ට්නර් කඩුලු 3 බැගින් දවා ගත්තා.
