ශ්‍රී ලංකාව හා පාකිස්තානය අතර T20 තරගාවලියේ පළමු තරගය දඹුල්ලේදී පැවැත්වුණා. එම තරගය කඩුලු 6කින් ජයගැනීමට ශ්‍රී ලංකා කාන්තා කණ්ඩායම සමත් වුණා.
පළමුවෙන් පන්දුවට පහරදුන් පාකිස්තාන් කාන්තා කණ්ඩායම කඩුලු 7ට ලකුණු 176ක් ලබාගත්තා. එම ඉලක්කය කඩුලු 4ක් පමණක් දැවී ලබාගැනීමට ශ්‍රී ලංකා ක්‍රීඩිකාවන් සමත් වුණා.
පාකිස්තානය වෙනුවෙන් ශවාල් සුල්ෆිකාර් ලකුණු 63ක් හා නායක මුනීබා අලී ලකුණු 42ක් ලබාගත්තා. ශ්‍රී ලංකාව වෙනුවෙන් කඩුලු ලබාගැනීමේදී කවීෂා දිල්හාරි කඩුලු 2ක් දවාගත් අතර කාව්‍යා කාවින්දි, සුගන්ධිකා කුමාරි හා චමුදි ප්‍රභෝදා කඩුලු 1 බැගින් දවාගත්තා.
ශ්‍රී ලංකා ඉනිමේදී ආරම්භක පිතිකරු ඉමේෂා දුලානි මෙහිදී සිය ප්‍රථම ජාත්‍යන්තර ශතකය වාර්තා කරමින් පන්දු 64ට නොදැවී ලකුණු 101ක් ලබාගත්තා. මෙය චමරි අතපත්තුට පසුව ශ්‍රී ලංකා ක්‍රීඩිකාවක් විස්සයි විස්ස තරගයකදී ලබාගත් පළමු ශතකය ලෙසද වාර්තා වුණා.
ඇයට අමතරව චමරි අතපත්තු ලකුණු 39ක් ලබාගත් අතර ශ්‍රී ලංකා ක්‍රීඩිකාවන් 19 වන පන්දුවාරය අවසානයේදී කඩුලු 4ක් පමනක් දැවී තරගය ජයගැනීමට සමත්වුණා.
