සංචාරක බටහිර ඉන්දීය කොදෙව් කණ්ඩායම හා බංග්ලාදේශය අතර ඊයේ ආරම්භ වූ 20-20 තරගාවලියේ පළමු තරගය චතෝග්රාම් හීදී පැවැත්වුණා. කොදෙව් කණ්ඩායම එම තරගය ලකුණු 16කින් ජයගැනීමට සමත් වුණා.
මුලින්ම පන්දුවට පහරදුන් කොදෙව් කණ්ඩායම පන්දුවාර 20 අවසානයේ කඩුලු 3ක් දැවී ලකුණු165ක් ලබාගත්තා.
ෂායි හෝප් නොදැවී ලකුණු 46ක් හා රොත්මන් පවෙල් නොදැවී ලකුණු 44ක් ලබාගත්තා.
පන්දු යැවීමේදී ටස්කින් අහමඩ් කඩුලු 2ක් හා රිෂාද් හුසේන් එක් කඩුල්ලක් දවාගත්තා.
පිලිතුරු ඉනිම ක්රීඩා කළ බංග්ලාදේශ කණ්ඩායමේ සියලු කඩුලු ලකුණු 149ට දවා ගැනීමට කොදෙව් පන්දු යවන්නන් සමත් වුණා.
ටන්සිම් හසන් සාකීබ් ලකුණු 33යි. තව්හිද් රිදෝයි ලකුණු 28යි.
කොදෙව් කණ්ඩායම වෙනුවෙන් ජේඩ්න් සීල්ස් කඩුලු 3ක් හා ජේසන් හෝල්ඩර් කඩුලු 3 බැගින් දවාගත් අතර අකීල් හුසේන් කඩුලු 2ක් දවාගැනීමට සමත් වුණා.
ඒ අනුව මෙම තරගය ලකුණු 16කින් ජයගත් බටහිර ඉන්දීය කොදෙව් කන්ඩායම 20-20 තරගාවලිය 1-0ක් ලෙස පෙරමුණු ගත්තා.
තරගයේ වීරයා ලෙස නම් කෙරුණේ රොත්මන් පවෙල්.
