පාකිස්ථාන කණ්ඩායම සමග පැවති දෙවැනි 20-20 ක්‍රිකට් තරගයද ලකුණු 8 කින් ජය ගැනීමට බංග්ලාදේශය සමත් වුණා.
ඒ අනුව, තරගය 3 කින් සමන්විත 20-20 තරගාවලිය, තවත් තරගයක් ඉතිරිව තිබියදීම ජය ගැනීමට ඔවුන් සමත් වීම විශේෂත්වයක්.
බංග්ලාදේශ-පකිස්ථාන දෙවැනි 20-20 තරගය පැවැත්වුණේ, බංග්ලාදේශයේ මීර්පූර් හිදි. පළමුවෙන් පන්දුවට පහර දුන් බංග්ලාදේශය පන්දුවාර 20 ඇතුළත සියලු ක්‍රීඩකයින් දැවී ලකුණු 133 ක් රැස් කළා. ජේකර් අලි ලකුණු 55 ක් සහ මෙහිදි හසන් ලකුණු 33 ක් ලබා ගත්තා.
පන්දු යැවීමේදී සල්මන් මිස්රා, අහමඩ් ඩනියාල් සහ අබ්බාස් අෆ්රිඩි කඩුලු 2 බැගින් දවා ගත්තා. පිළිතුරු ලෙස පකිස්ථාන කණ්ඩායමට පන්දුවාර 19 යි පන්දු 2 කදී සියලු ක්‍රීඩකයින් දැවී රැස් කිරීමට හැකි වූයේ ලකුණු 125 ක් පමණයි.
පකිස්තාන කණ්ඩායමේ පළමු කඩුලු 5 ලකුණු 15 ක්දී දවා ගැනීමට බංගාදේශ පන්දු යවන්නන් සමත් වීම විශේෂත්වයක්.
පාකිස්ථානය වෙනුවෙන් වැඩිම ලකුණු ලාභියා වූ ෆහීම් අෂ්රාෆ් ලකුණු 51 යි. පන්දු යැවීමේදී ෂොරිෆුල් ඉස්ලාම් කඩුලු 3 ක් බිඳ හෙලුවා.
මෙහිදි හසන් සහ ටන්සිම් හසන් අතර කඩුලු 2 බැගින් බෙදී ගියා. පකිස්ථානය 20-20 තරගාවලියදී බංග්ලාදේශය හමුවේ පරාජය වූ දෙවැනි අවස්ථාව මෙයයි.
