2026 ලෝක කුසලානයේ ඊයේ දින පැවති බටහිර ඉන්දීය කොදෙව් කණ්ඩායම හා සිම්බාබ්වේ කණ්ඩායම අතර තරගයෙන් ලකුණු 107ක ජයක් ලැබීමට කොදෙව් කණ්ඩායම සමත් වුණා. තරගය පැවැත් වුණේ වෙනකඩේ පිටියෙදීයි.
මුලින්ම පන්දුවට පහර දුන් කොදෙව් කණ්ඩායම, මෙවර ලෝක කුසලානයේ කණ්ඩායමක් රැස් කළ වැඩිම මුලු ලකුණු සංඛ්යාව වාරතා කරමින් කඩුලු 6ට ලකුණු 254ක් ලබාගත්තා.
ශිම්රන් හෙට්මයර් පන්දු 34ට ලකුණු 85ක් ලබාගත් අතර රොව්මන් පවෙල් පන්දු 35ට ලකුණු 59ක්, ෂරෆේන් රදෆර්ඩ් පන්දු 13ට ලකුණු 31ක් ලබාගත්තා.
සිම්බාබ්වේ කණ්ඩායම වෙනුවෙන් රිචර්ඩ් න්ගරාවා හා බ්ලෙසිං මුසරබානි කඩුලු 2 බැගින් දවාගැනීමට සමත් වුණා.
පිලිතුරු ඉනිම ක්රීඩා කළ සිම්බාබ්වේ කණ්ඩායමේ සියලු කඩුලු ලකුණු 147ට දැවී ගියේ 18වන පන්දු වාරයේදීයි.
සිම්බාබ්වේ වෙනුවෙන් බ්රැඩ් එවන්ස් ලකුණු 43ක් ලබාගත් අතර ඩියෝන් මයර්ස් ලකුණු 28ක් හා නායක සිකන්දර් රාසා ලකුණු 27ක් ලබාගත්තා.
පන්දු යැවීමේදී කොදෙව් කණ්ඩායම වෙනුවෙන් ගුඩකේෂ් මොටී කඩුලු 4ක්, අකිල් හුසේන් කඩුලු 3ක් හා මැතිව් ෆෝර්ඩ් කඩුලු 2ක් දවාගත්තා.
ඒ අනුව බටහිර ඉන්දීය කොදෙව් පිල ඔවුන් මුහුණ දුන් පළමු සුපිරි 8 තරග්යෙන් ලකුණු 107ක ජයක් ලැබීමට සමත් වුණා.
