ඊයේ පැවති අයි පී එල් 2025 තරගාවලියේ 16වන තරගයෙන් ලකුණු 12 ක තියුණු ජයක් ලැබීමට ලක්නව් සුපර් ජයන්ට්ස් කණ්ඩායම සමත් වුණා. ඒ මුම්බයි ඉන්ඩියන්ස් කණ්ඩායමට එරෙහිවයි.
කාසියේ වාසිය දිනූ මුම්බයි ඉන්ඩියන්ස් කණ්ඩායම මුලින්ම පන්දුවට පහරදීමට සුපර් ජයන්ට්ස් කණ්ඩායමට ආරාධනා කළා.
ඒ අනුව සුපර් ජයන්ට්ස් කණ්ඩායම කඩුලු 8ක් දැවී ලකුණු 203ක් ලබාගත්තා.
මිචෙල් මාෂ් ලකුණු 60ක් හා එයිඩන් මාක්‍රම් ලකුණු 53ක් රැස් කළා. පන්දු යැවීමේදී හර්දික් පාණ්ඩියා කඩුලු 5ක් දවාගත්තා.
පිළිතුරු වශයෙන් මුම්බයි ඉන්ඩියන්ස් කණ්ඩායමට සිය පන්දුවාර 20 අවසානයේ ලබාගත හැකි වූයේ කඩුලු 5ට ලකුණු 191ක් පමණයි.
සූර්‍යකුමාර් යාදව් ලකුණු 67යි.පන්දු යැවීමේදී ශර්දුල් තාකූර්, ආකාෂ් දීප්, ආවේශ් කාන් හා දිග්වෙශ් රාති එක් කඩුල්ල බැගින් දවාගත්තා.
