ශ්‍රී ලංකා ක්‍රිකට් කණ්ඩායම සඳහා නව පුහුණුකරුවන් දෙදෙනෙකු පත් කර තිබෙනවා.
ඒ බව ශ්‍රී ලංකා ක්‍රිකට් ආයතනය නිවේදනය කලා.
ඒ අනුව නව පිතිකරණ පුහුණුකරු ලෙස ජූලියන් වුඩ් මහතා පත් කර තිබෙනවා.
ඔහු මෙම මස 01 වැනිදා සිට බලපැවැත්වෙන පරිදි වසරක කාලයක් එම ධුරයේ කටයුතු කිරිමට නියමිතයි.
එමෙන්ම දඟපන්දු යැවීමේ පුහුණුකරු ලෙස පත් කර ඇත්තේ රෙනේ ෆර්ඩිනන්ඩ්ස් මහතායි.
ඉකුත් සැප්තැම්බර් 30 වැනිදා සිට වසර 02ක කාලයක් සඳහා බලපැවැත්වෙන පරිදි මෙම පත්වීම සිදු කර ඇති බව ශ්‍රී ලංකා ක්‍රිකට් ආයතනය විසින් නිකුත් කළ නිවේදනයේ දැක්වෙන්නේ.
