ඉන්දියාව වෙනුවෙන් ටෙස්ට් , එක්දින සහ 20-20 යන ආකෘති තුනෙන්ම ශතක වාර්කා කළ පළමු හා එකම ක්‍රිකට් ක්‍රීඩිකාව බවට පත් වීමට ආරම්භක පිතිකාරිනි ස්මිර්ති මන්දනා ඊයේ සමත් වුණා.
එංගලන්තයට එරෙහිව නොටින්හැම්හිදී පැවති පළමු විස්සයි20 තරගයේදී ඇය රැස් කළ ලකුණු සංඛයාව 112ක්.
තරගයේ පළමුව පන්දුවට පහර දුන් ඉන්දියාව රැස්කළ ලකුණු සංඛයාව 210 ක්. එහිදී හයේ පහර 3ක් හා හතරේ පහර 15ක් එලල් කිරීමට ස්ම්‍රිතී මන්දනා සමත් වුණා.
ඇය මේ වනවිට ටෙස්ට් ශතක 2කට හා එක්දින ශතක 11 ක් වාර්තා කර තිබෙනවා.
මේ අතර එංගලන්තයට එරෙහිව පැවති මෙම තරගයෙන් ලකුණු 97ක විශිෂ්ට ජයක් ලැබීමටද ඉන්දියාවට හැකිවුණා.
ඉන්දීය කණ්ඩායම පන්දුවාර 20 තුළදී කඩුලු 5ක් දැවී රැස්කළ ලකුණු 210ක දැවැන්ත ඉනිමට පිළිතුරු ලෙස එංගලන්තයට ලබාගැනීමට හැකිවූයේ ලකුණු 113ක් පමණි.
එංගලන්තය ලැබූ එම පරාජය සැලකෙන්නේද ඔවුන් ඉන්දියාව හමුවේ සිය ක්‍රිකට් ඉතිහාසයේ වැඩිම ලකුණු පරතරකින් පරාජය වූ තරගය ලෙසයි.
