කොළඹ ආනන්ද හා නාලන්දා විදුහල් අතර 95වන වරටත් පැවති ‘සුලෝහිත සංග්‍රාමය’ මහා ක්‍රිකට් තරගය ජයපරාජයෙන් තොරව අද අවසන් වුණා.
කොළඹ SSC ක්‍රීඩාංගණයේදී තෙදිනක් පුරා පැවති මෙම තරගයේ පළමුව පන්දුවට පහරදුන් ආනන්ද විදුහල පළමු ඉනිමට කඩුලු 6ක් දැවී ලකුණු 324ක් ලබා සිටියදී ඉනිම අත්හිටුවනු ලැබුවා.
ඊට පිළිතුරු ඉනිම ක්‍රීඩාකළ නාලන්දා විදුහල සිය පළමු ඉනිමට කඩුලු 6ක් දැවී ලකුණු 325ක් රැස්කරගෙන සිටියදි ඉනිම අත්හිටුවීමට කටයුතු කළා.
ඒ අනුව එක් ලකුණක් පසුපසින් සිටියදී යළි දෙවන ඉනිම ඇරඹූ ආනන්ද කණ්ඩායම අද තරගය නිමාවන විට එක් කඩුල්ලක් දැවී ලකුණු 27ක් ලබා සිටියා.
1924 වර්ෂයේදී ආරම්භ වූ මෙම මහා ක්‍රිකට් තරගය, ආචාර්ය එන්.එම්. පෙරේරා අනුස්මරණ කුසලානය වෙනුවෙන් පැවැත්වෙනවා.
මෙවර 95 වැනි වසර සංවිධානය වූ තරගය ඉතිහාසයේ පළමුවරට තුන්දින තරගයක් ලෙසින් මෙවර පැවැත්වුණා.
මහා ක්‍රිකට් තරගය ජයපරාජයෙන් තොරව අවසන් වූ 76 වන අවස්ථාව මෙයයි.
