ඉන්දියන් ප්රිමියර් ලීග් තරගාවලියේ තවත් තරගයක් ඊයේ පැවැත්වුණා. ඒ දිල්ලි කැපිටල්ස් හා චෙන්නයි සුපර් කිංග්ස් කණ්ඩායම් අතරයි. තරගයෙන් කඩුලු 8ක ජයක් ලැබීමට චෙන්නයි කණ්ඩායම සමත්වුණේ තවත් පන්දු 15ක් ඉතිරිව තිබියදී යි.
කාසියේ වාසිය දිනා පළමුවෙන් පන්දුවට පහරදුන් දිල්ලි කැපිටල්ස් කණ්ඩායමට ලබාගැනීමට හැකිවුණේ කඩුලු 7ට ලකුණු 155ක් පමණයි. එම ලකුණු සංඛ්යාව චෙන්නයි කණ්ඩායම විසින් කඩුලු 2ක් පමණක් දැවී හඹායෑමට සමත් වුණා. ඒ සඳහා ඔවුන්ට වැය වූයේ පන්දු වාර 17.3ක් පමණයි.
දිල්ලි කැපිටල්ස් වෙනුවෙන් පැතුම් නිශ්ශංකට හා ලෝකේෂ් රාහුල් හට එතරම් සාර්ථක ආරම්භයක් ලබාගැනීමට චෙන්නයි පන්දු යවන්නන් සමත් වුණේ නැහැ. ඒ අනුව පැතුම් ලකුණු 19ට හා රාහුල් ලකුණු 12ට දැවී ගියා.
දිල්ලි කණ්ඩායම සඳහා යම් තරගකාරී ලකුණු පුවරුවක් නිර්මාණය කිරීම සඳහා සමීර් රිස්වි නොදැවී ලකුණු 40ක් හා ට්රිස්ටන් ස්ටබ්ස් ලකුණු 38ක් ලබාගත්තා.
තරගය ආරම්භයේ පටන්ම චෙන්නයි පන්දු යවන්නන් යම් සැලැස්මක් ඇතිව පන්දු යැවූ අතර, නූර් අහමඩ් ලකුණු 22ට කඩුලු 2ක් දවාගත්තා.
පිළිතුරු ඉනිම ක්රීඩා කළ චෙන්නයි කණ්ඩායම වෙනුවෙන් ආරම්භක පිතුකරු සංජු සැම්සන් නැවතත් සාර්ථකවෙමින් නොදැවී ලකුණු 87ක් රැස් කළ අතර කාර්තික් ශර්මා නොදැවී 41ක් ලබාගෙන තරගය ජයග්රහණය කරා රැගෙන ගියා.
මේ ජයග්රහණයත් සමගින් ප්රසාද ලකුණු 10ක් ලබාගෙන චෙන්නයි සුපර් කිංග්ස් 6වන ස්ථානයේ රැඳී සිටිනවා. අද තරගය සන්රයිසස් හයිද්රබාද් හා පංජාබ් කිංග්ස් අතරයි.
