2025 ආසියානු සත්සාමාජික රග්බි තරගාවලියේ දෙවැනි අදියරේ තමන් සහභාගී වූ පළමු තරගයෙන් ජයවාර්තා කිරීමට ශ්‍රී ලංකාව සමත් වුණා.
ඒ උස්බෙකිස්තානය ලකුණු 26 – 14ක් ලෙස පහසුවෙන් පරාජය කරමින්.
මෙහිදී ශ්‍රී ලංකාව ගෝල තුනක් සහ ඒක් උත්සාහක දිනුමක් වාර්තා කළා.
ශ්‍රීනාත් සූරියබණ්ඩාර , ගයාන් පෙරේරා, චතුර සොහිසා සහ ජනිදු දිල්ශාන් ශ්‍රී ලංකාව වෙනුවෙන් උත්සාහන දිනුම් වාර්තා කළ ක්‍රීඩකයින්.
ඒවා ගෝල බවට පරිවර්තනය කිරීම සදහා ප්‍රවර්ථන සාර්ථක කර ගත්තේ ශ්‍රීනාත් සූරියබණ්ඩාර, දිලුක්ෂ දන්ගේ සහ සුරංග තෙන්නකෝන විසින්.
මෙම තරගාවලිය කොළඹ තුරග තරග පිටියේදී පැවැත්වෙනවා.
ශ්‍රී ලංකාව මෙහි ‘ C’ කාණ්ඩයෙන් තරගවදින අතර, අද දිනයේදී ශ්‍රී ලංකාව තවත් තරග 2 කට සහභාගී වනවා.
ඒහිදී සිංගප්පූරුව සමග තරගය ප.ව. 5:04ටද, පැවැත්වෙන අතර චීනය සමග තරගය රාත්‍රී 9:50ට පැවැත්වීමට නියමිතයි.
කාන්තා හා පිරිමි දෙයංශයෙන්ම දෙදිනක් පුරා පැවැත්වෙන මෙම තරගාවලියට කණ්ඩායම් 24ක් සහභාගි වනවා.
මෙම තරගාවලියේ සියලු තරග ප්‍රේක්ෂකයින්ට නොමිලේ නැරඹීය හැකියි.
