ඉන්දියාවේ පැවති පළමු වැනි ” ලෝක මළළ ක්රීඩා මහාද්වීපික සංචාරක ශූරතා – 2025 තරගාවලියයේදී පදක්කම් හිමි කර ගත් ශ්රී ලංකා ක්රීඩක ක්රීඩිකාවන් ඊයේ රාත්රියේ දිවයිනට පැමිණියා.
ඔවුන් පිළිගැනීම සදහා ශ්රී ලංකා මළළ ක්රීඩා සංගමයේ නිලධාරීන් , ශ්රී ලංකා යුධ සහ ගුවන් හමුදාවේ ක්රීඩා අංශයේ නිලධාරීන් ඇතුළු පිරිසක් එක්ව සිටියා.
මෙම තරගාවලිය ඉන්දියාවේ , භුබනේශ්වර නුවර දී පැවැත්වුණා.
ශ්රී ලංකාව නියෝජනය කරමින් ක්රීඩක ක්රීඩිකාවන් 09 දෙනෙකුගෙන් යුත් කණ්ඩායමක් ඊට සහභාගී වූ අතර ඉන් 08 දෙනෙකුම පදක්කම් දිනා ගැනීම විශේෂත්වයක්.
රන් පදක්කම් 02 ක් , රිදී පදක්කම් 02 ක් සහ ලෝකඩ පදක්කම් 01 ක් දිනා ගැනීමට ශ්රී ලංකා ක්රීඩක ක්රීඩිකාවක්ම්න් සමත් වුණා.
එහිදී රුමේෂ් තරංග හෙල්ල විසි කිරීමේ ඉසව්වට සහභාගී වී මීටර් 86.50 ක දක්ශතාවයක් දක්වමන් රන් පදක්කම සමග ශ්රී ලංකා වාර්තාවක් ද පිහිටවනු ලැබුවා,
ලෝකයේ මෙම ඉසව්වෙන් මේ දක්වා දැක්වූ 07 වන දක්ශතාව මෙයයි
ජපානයේ පැවැත්වෙන ලෝක ශූරතා තරගාවලියට සහභාගී වීමට ද ඔහු අවස්ථාව උදා කර ගැනීමට සමත් වීම විශේෂත්වයක්..
එසේම මීටර් 400 × 4 සහාය දිවීමේ කණ්ඩායම ද රන් පදක්කම දිනා ගැනීමට සමත් වුණා.
රිදී පදක්කම් දිනා ගැනීමට සමත් වුණේ හෙල්ල විසි කිරීමේ ඉසව්වට සහභාගී වූ දිල්හානී ලේකම්ගේ සහ මීටර් 100 ධාවන ඉසව්වට සහභාගී වූ චමෝද් යෝධසිංහයි. .
හෙල්ල විසි කිරීමේ ඉසව්වට සහභාගී වී එයින් ලෝකඩ පදක්කමක් දිනා ගැනීමට සුමේධ රණසිංහ සමත් වුණා.
