කාඩිෆ් හී පැවති වෙල්ෂ් විවෘත බැඩ්මින්ටන් තරගාවලියෙන් අනුශූරතාවය දිනාගැනීමට ශ්රී ලංකා බැඩ්මින්ටන් ශූරිය වන රන්තිමා ලියනගේ සමත් වුණා. අවසන් තරගය පරාජය වූවද ඇය ඊට කලින් පැවති තරග 4ක් පිට පිට ජයගැනීමට සමත් වුණා.
රන්තිමා ලෝක ෂට්ලර් ශ්රේණිගත කිරීම අනුව 113න් වන ස්ථානයේ පසුවන අතර ඇය සඳහා අනුග්රහය දැක්වූයේ මැක් ලර්නර්ස් ගෲප්ස් විසිනි.
රන්තිමා තරගාවලිය ආරම්භ කළේ 21-8, 21-11ක් ලෙස නතාලියා ස්ලොබදෝවා පරාජය කරමින්. අර්ධ අවසන් පූර්ව තරගයේදී රන්තිමා 24-22, 21-15ක් ලෙස එංගලන්තයේ ෆ්රෙයා රෙඩ්ෆර්න් ව පරාජය කළ අතර අවසන් පූර්ව තරගයේදී රන්තිමා ඩෙන්මාර්ක් හී ඇතීන් ලිඩිච් තෝනිල්ඩ් ව 21-17 හා 21-15 ක් ලෙස පරාජය කළා.
අවසන් තරගයේදී රන්තිමා ඔස්ට්රියාවේ වෙයි ක්ෂූ හට තියුණු තරගයක් ලබාදුන්නා. පළමු තරග වටය 16-21ක් ලෙස වෙයි ක්ෂූ ජයගත් අතර දෙවන තරග වටයේදී නැවතත් තරගයට ප්රවිශ්ට වූ රන්තිමා 21-10ක් ලෙස එම වටය ජයගත්තා. කරට කර තරග වැදුණු තුන්වන වටය 19-21ක් ලෙස වෙයි ක්ෂූ හට පරාජය වූවා.
ඒ අනුව 2025 වෙල්ෂ් විවෘත බැඩ්මින්ටන් තරගයේ අනුශූරතාවය රන්තිමා ලියනගේ හට හිමි වුණා.
