ආසියානු කුසලාන 20/20 ක්‍රිකට් තරගාවලිය හෙට ආරම්භ වනවා.
එක්සත් අරාබි එමීර් රාජ්‍යය සත්කාරකත්වය දරන තරගාවලිය ලබන විසි අට වැනිදා දක්වා පැවැත්වීමට නියමිතයි.
මෙවර තරගාවලියට කණ්ඩායම් 8 ක් තරඟ වදින අතර මූලික වටයේ තරග ඒ හා බී ලෙස කාණ්ඩ දෙකකින් පැවැත්වෙනවා.
ඉන්දියාව, පාකිස්ථානය ,එක්සත් අරාබි එමේර් රාජ්‍යය සහ ඕමානය ඒ කාණ්ඩයට ඇතුලත්.
ශ්‍රී ලංකාව, ඇෆ්ඝනිස්ථානය, බංග්ලාදේශය සහ හොංකොං යන කණ්ඩායම් බී කාණ්ඩයෙන් තරඟ වදිනවා.
තරගාවලිය ආරම්භ කරමින් ඇෆ්ඝනිස්ථානය සහ හොංකො කණ්ඩායම් අතර තරගය හෙට අබුඩාබි හිදී පැවැත්වෙනවා.
එය ශ්‍රී ලංකාවේ රාත්‍රී 8 ට ආරම්භ වීමට නියමිතයි.
තරගාවලිය යටතේ ශ්‍රී ලංකාව සහභාගී වන පළමු තරඟය පැවත්වෙන්නේ ලබන 13 වැනිදායි.
ඒ බංගලිදේශයට එරෙහිව අබුඩාබි ක්‍රිකට් ක්‍රීඩාංගනයේදී.
