ජාත්යන්තර ටෙස්ට් ක්රිකට් පිටියේ වැඩිම කඩුලු දවාගත් වමත් පන්දු යවන්නාගේ වාර්තාව, තමන් සතු කරගැනීමට ඔස්ට්රේලියානු වේගපන්දු යවන ක්රීඩක මිචෙල් ස්ටාර්ක් අද සමත් වුණා.
ඒ බංග්ලාදේශය සමග අද ආරම්භ වූ පළමු ටෙස්ට් ක්රිකට් තරගයේදී.
ජාත්යන්තර වමත්කරුවන්ගේ දිනය වන අද දිනයේදීම ඔහු මෙලෙස ටෙස්ට් ක්රිකට් ඉතිහාසයේ වඩාත්ම සාර්ථක වමත් පන්දු යවන්නා බවට පත්වීම විශේෂත්වයක්.
බංග්ලාදේශයට එරෙහිව ඩාවින්හිදී ආරම්භ වූ පළමු ටෙස්ට් ක්රිකට් තරගයේදී ෂඩ්මන් ඉස්ලාම්ගේ කඩුල්ල දවාගැනීමෙන් අනතුරුවයි ඔහුට මෙම වාර්තාව හිමි වුණේ.
මේ වනවිට ස්ටාර්ක් ටෙස්ට් තරග 105 කදී කඩුලු 434ක් දවාගෙන සිටියි.
ඔහු බිඳහෙලනු ලැබුවේ ශ්රී ලංකාවේ හිටපු විශිෂ්ටතම දඟපන්දු යවන්නෙකු වූ රංගන හේරත් පිහිටුවා තිබූ වාර්තාවයි.
රංගන ටෙස්ට් පිටියේදී කඩුලු 433ක් දවා ගෙන තිබෙනවා. ඒ තරග 93 කදී.
