නවසීලන්තය හා එංගලන්තය අතර තරග තුනකින් සමන්විත විස්සයි විස්ස තරගාවලියේ පළමු තරගය අද ක්‍රිස්ට්චර්ච් හීදී ආරම්භ වුණා. ඇද හැළුණු වර්ෂාව නිසා ක්‍රීඩා කිරීමට ඉඩ ලැබුණේ එක් ඉනිමක් පමණයි.
කාසියේ වාසිය දිනූ නවසීලන්තය මුලින්ම පන්දු රැකීමට තීරණය කළා.
ඒ අනුව මුලින් පන්දුවට පහරදුන් එංගලන්ත කණ්ඩායම පන්දුවාර 20 අවසානයේ කඩුලු 6ක් දැවී ලකුණු 153ක් ලබාගත්තා.
සෑම් කරන් නොදැවී ලකුණු 49යි.
පන්දු යැවීමේදී නවසීලන්තය වෙනුවෙන් මැට් හෙන්රි, ජේකබ් ඩෆී, කායිල් ජේම්සන්, මිචෙල් සැන්ට්නර්, ජේම්ස් නීෂම් හා මයිකල් බ්‍රේස්වෙල් යන පන්දු යවන්නන් හය දෙනාම එක් කඩුල්ල බැගින් ලබාගත්තා.
ඇදහැළුණු වර්ෂාව නිසා පිලිතුරු ඉනිම ක්‍රීඩා කිරීමට නවසීලන්තයට හැකියාවක් ලැබුණේ නැහැ.
ඒ අනුව තරගය ප්‍ර්ථිපලයකින් තොරව අවසන් කෙරුණා.
